అనుమానాస్పద స్థితిలో వ్యక్తి ఆత్మహత్య.. కేసు నమోదు

సంగారెడ్డి జిల్లా జహీరాబాద్​లో ఓ వ్యక్తి అనుమానాస్పద స్థితిలో ఆత్మహత్యకు పాల్పడ్డాడు. కేసు నమోదు చేసుకున్న పోలీసులు దర్యాప్తు ప్రారంభించారు.

సంగారెడ్డి జిల్లా జహీరాబాద్​లో ఓ వ్యక్తి ఆత్మహత్య చేసుకున్నాడు. జహీరాబాద్ రైల్వే ఓవర్ బ్రిడ్జి పరిసరాల్లోని చెట్టుకు ఉరి వేసుకుని బలవన్మరణానికి పాల్పడ్డాడు. గుర్తించిన స్థానికులు పోలీసులకు సమాచారం అందించారు. ఘటనా స్థలికి చేరుకున్న పోలీసులు మృతుడు వికారాబాద్ జిల్లా పూడూరు మండలం కొల్లాపూర్​ చెందిన వడ్డే పాపయ్యగా గుర్తించారు.

వికారాబాద్ జిల్లాకు చెందిన వ్యక్తి జహీరాబాద్​కు వచ్చి ఆత్మహత్యకు పాల్పడడం పట్ల పోలీసులు అనుమానం వ్యక్తం చేస్తున్నారు. ఈ మేరకు కేసు నమోదు చేసుకుని దర్యాప్తు చేస్తున్నారు.

ఇదీ చూడండి..అంజన్‌రావు ఇంట్లో నగదు సీజ్‌ చేసిన దృశ్యాలు