ఆడుతూ.. ఆడుతూ అనంతలోకాలకు!

ఆటాడుకోవడానికి వెళ్లిన బాలుడికి అదే చివరి రోజైంది. ట్రాక్టర్​పై ఆడుకునే సరదా.. ఆ చిన్నారి ప్రాణాల మీదకు తెచ్చింది. ఈ ఘటన నల్గొండ జిల్లా శాలిగౌరారంలో చోటుచేసుకుంది.

నల్గొండ జిల్లా శాలిగౌరారం మండలంలో విషాదం చోటుచేసుకుంది. ఆకారం గ్రామంలో.. గ్రామపంచాయతీ ట్రాక్టర్​ కింద పడి తొమ్మిదేళ్ల బాలుడు అక్కడికక్కడే మృతి చెందాడు.

గ్రామానికి చెందిన నాగమ్మ కుమారుడు వినయ్(9) స్థానిక ప్రభుత్వ పాఠశాలలో నాల్గో తరగతి చదువుతున్నాడు. స్నేహితులతో కలసి సరదాగా ఆడుకుంటున్న క్రమంలో గ్రామపంచాయతీ ట్రాక్టర్​ ఊళ్లోని హరితహారం మొక్కలకు నీరు పోసేందుకు వచ్చింది. నడుస్తున్న ట్రాక్టరు ట్యాంకర్ పైకి ఎక్కెందుకు ప్రయత్నించిన బాలుడు.. ప్రమాదవశాత్తు దాని టైరు కింద పడి ప్రాణాలు కోల్పోయాడు.

ఒక్కగానొక్క కుమారుడు మరణించడంతో ఆ తల్లి రోదించిన తీరు స్థానికులను కలిచివేసింది. గ్రామంలో విషాదఛాయలు అలుముకున్నాయి. కేసు నమోదు చేసుకున్న పోలీసులు దర్యాప్తు చేపట్టారు.

ఇదీ చదవండి:అకస్మాత్తుగా రోడ్డుపై అడ్డంగా పరుగెత్తిన బాలుడు​.. తృటిలో తప్పిన ప్రమాదం