మద్యం మత్తులో వీరంగం: చేతులు, కాళ్లు కోసుకున్నాడు..

కృష్ణా జిల్లా విస్సన్నపేట గ్రామ ప్రధాన కూడలిలో ఓ యువకుడు మద్యం మత్తులో హల్ చల్ చేశాడు. బ్లేడ్​తో తన కాళ్లు చేతులు కోసుకొని కూడలిలో కూర్చుని స్థానికులని భయభ్రాంతులకు గురిచేశాడు.

ఆంధ్రప్రదేశ్​లోని కృష్ణా జిల్లా విస్సన్నపేట గ్రామ ప్రధాన కూడలిలో ఓ యువకుడు మద్యం మత్తులో వీరంగం సృష్టించాడు. బ్లేడ్​తో తన కాళ్లు, చేతులు కోసుకున్నాడు. తీవ్ర రక్తస్రావంతో ఉన్న యువకుడి దగ్గరకి వెళ్లడానికి స్థానికులు కొంతసేపు భయపడ్డారు. అనంతరం వారు 108 సిబ్బందికి సమాచారం ఇచ్చారు. అంబులెన్స్​ సిబ్బంది స్ధానికుల సాయంతో యునకుడికి వైద్య సాయం అందించి బంధువులకు సమాచారం అందించారు.

యువకుడి పేరు సాయి అని... ఒక హోటల్​లో పని చేసుకుంటూ జీవనం సాగిస్తున్నాడని స్థానికులు తెలిపారు.

ఇదీ చూడండి.శ్రీశైలం జలాశయానికి పెరుగుతున్న వరద ప్రవాహం