పెంటగుంత నీటిలో పడి మేస్త్రీ మృతి.. ఎలా జరిగిందంటే?

ప్రమాదవశాత్తు పెంటగుంత నీటిలో పడి ఓ మేస్త్రీ మృతి చెందిన ఘటన నారాయణపేట జిల్లాలో చోటుచేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు.

కర్ణాటక రాష్ట్రం రాయచూరు పట్టణానికి చెందిన అమరేష్​, నాగప్పలు మేస్త్రీ పనులు చేసేవారు. 6 రోజుల కిందట నారాయణపేట జిల్లా మక్తల్​ మండలంలోని భగవాన్​పల్లిలో ఇల్లు కట్టేందుకు వచ్చారు. అమరేష్​ బుధవారం రాత్రి మద్యం సేవించి భోజనం చేసి పడుకున్నాడు. అర్ధరాత్రి సమయంలో కాలకృత్యాల కోసం వెళ్లి ప్రమాదవశాత్తు పెంటగుంత నీటిలో పడిపోయాడు.

రాత్రి ఎవరూ గమనించకపోవడం వల్ల అందులోనే మృతి చెందాడు. ఈ ఘటనపై అమరేష్​ పెద్దమ్మ ఫిర్యాదుతో కేసు నమోదు చేసుకుని దర్యాప్తు చేస్తున్నట్లు ఎస్సై రాములు తెలిపారు.