దోమ పోటు సోకిందని వరి పంటకు నిప్పు పెట్టిన రైతు

ఈ ఏడాది వర్షాలు సమృద్ధిగా కురిశాయి కదా అని తనకున్న మూడెకరాల పొలంలో వరి పంట వేశాడు. పంట చేతికొస్తుందని ఆనందపడ్డాడు. కానీ ఆ రైతు ఆనందం ఎంతో కాలం నిలవలేదు. దోమపోటు రూపంలో అతని ఆశలు అడియాశలయ్యాయి. క్వింటా ధాన్యం కూడా చేతికందే పరిస్థితి లేదు. ఫలితంగా మనస్తాపం చెందిన ఆ రైతన్న.. పంటకు నిప్పుపెట్టాడు.

కామారెడ్డి జిల్లా భిక్కనూరు మండలం తిప్పాపూర్​లో ఓ రైతు తన వరి పంటకు నిప్పు పెట్టాడు. ఎన్నో ఆశలతో సాగు చేసుకున్న మూడెకరాల సన్న రకం వరి పంటకు దోమపోటు సోకింది. ఫలితంగా పంటంతా నాశనమయ్యింది.

మూడెకరాల పొలంలో కనీసం క్వింటా ధాన్యం కూడా చేతికొచ్చే పరిస్థితి లేదు. ఈ క్రమంలోనే మనస్తాపానికి గురైన రైతు.. తన చేతులతోనే పంటకు నిప్పు పెట్టాడు. చూస్తుండగానే పంటంతా కాలి బూడిదైంది.

ఇదీ చదవండి:ధరణి పోర్టల్‌పై తహసీల్దార్లు, నయాబ్ తహసీల్దార్లకు రేపు శిక్షణ