అకస్మాత్తుగా రోడ్డుపై అడ్డంగా పరుగెత్తిన బాలుడు​.. తృటిలో తప్పిన ప్రమాదం

తల్లిదండ్రులు ఎంత కష్టపడి పనిచేసినా అది వాళ్ల స్వార్థం కోసం కాదు. కేవలం పిల్లల కోసమే.. వారి బాగోగుల కోసమే. వారి జీవితంలో పిల్లలను ఎల్లప్పుడూ కనిపెట్టుకుని ఉండటం ఆ తల్లిదండ్రులకు చాలా అవసరం. అప్రమత్తంగా ఉండకపోతే ఎలాంటి పరిస్థితులు ఎదురవుతాయో ఊహించుకోవడమే కష్టం. తాజాగా బాలానగర్​లో అలాంటి సంఘటన చోటుచేసుకుంది.

పిల్లలతో పాటు రోడ్డు మీద వెళ్లేటప్పుడు తల్లిదండ్రులు జాగ్రత్తగా ఉండకపోతే కన్నవారికి కడుపుకోత మిగలొచ్చు. లేదంటే పిల్లలు జీవితాంతం వైకల్యంతో ఉండాల్సి రావచ్చు. తాజాగా మేడ్చల్​ మల్కాజ్​గిరి జిల్లా బీబీనగర్​లో రోడ్డు దాటుతున్న సమయంలో ఓ చిన్నారి ప్రాణాపాయం నుంచి బయటపడ్డాడు.

బీబీనగర్​ ఆస్పత్రి సమీపంలో రోడ్డుపై తల్లితో పాటు నడుచుకుంటూ వెళ్తున్న ఐదేళ్ల బాలుడు తల్లి చేయి వదిలి ఒక్కసారిగా రోడ్డు దాటడానికి ప్రయత్నించాడు. ఆ సమయంలో ద్విచక్రవాహనంపై వస్తున్న వాహనదారుడు బాలుడిని ఢీకొట్టాడు. దీంతో ఆ చిన్నారి బైక్​ కింద పడిపోయాడు. అక్కడున్న వాళ్లు బాలుడిని కాపాడారు. ఈ ఘటనలో బాలుడికి గాయాలు కాకపోవడంతో ప్రాణాపాయం తప్పింది. కాగా వాహనదారుడికి స్వల్పగాయాలయ్యాయి.

ఇదీ చదవండి:భద్రాద్రిలో ఉత్తర ద్వార దర్శనం.. భక్తుల పరవశం