నమ్మకంగా మెలిగిన వ్యక్తే ఇల్లు దోచేసిన సంఘటన రంగారెడ్డి జిల్లాలోని మీర్పేట్ పోలీస్ స్టేషన్ పరిధిలో జరిగింది. తిరుమల హిల్స్లో నివాసముండే వృద్ధ దంపతులకు నాగయ్య అనే ఆటో డ్రైవర్ చేదోడు వాదోడుగా మెలిగేవాడు. వారికి ఏ అవసరం ఉన్నా... బయటికి వెళ్లాలన్నా నాగయ్య ఆటోలో వెళ్లేవారు. ఇదే క్రమంలో చాలాసార్లు వారి ఏటీఎం కార్డులు సైతం తీసుకొని డబ్బులు డ్రా చేసి ఇచ్చేవాడు. అలా ఆ వృద్ధ దంపతులకు నాగయ్యపై నమ్మకం ఏర్పడింది.
నమ్మకంగా నటించి ఆ ఇంటికి కన్నమేశాడు ! - తెలంగాణ వార్తలు
తిరుమల హిల్స్లో నివాసముంటున్న వృద్ధ దంపతులకు ఓ ఆటో డ్రైవర్ చేదోడు వాదోడుగా నిలిచాడు. ఏ అవసరం ఉన్నా తన ఆటోలో తీసుకెళ్లేవాడు. వారి ఏటీఎం కార్డులను సైతం తీసుకెళ్లి నగదు డ్రా చేసి ఇచ్చేవాడు. అలా క్రమంగా నమ్మకం కలిగించి... చివరకు ఇల్లు గుల్ల చేశాడు.
వృద్ధ దంపతులకు నమ్మకంగా మెలిగి దోచేశాడు!
ఆ దంపతుల వద్ద నగలు, నగదు ఉన్నట్లు గుర్తించిన ఆటో డ్రైవర్ నాగయ్య ఎలాగైనా దొంగిలించాలని అనుకున్నాడు. ఓసారి షాపింగ్కి వెళ్లే క్రమంలో ఇంటి తాళంచెవి ఆటోలో పడిపోయింది. ఇదే అదునుగా భావించిన నాగయ్య తన స్నేహితుడి సాయంతో వృద్ధ దంపతుల ఇంట్లో ఉన్న 12 తులాల బంగారు ఆభరణాలు, రూ.75 వేల నగదును అపహరించాడు. దొంగలు పడ్డారని గుర్తించిన ఆ దంపతులు మీర్పేట్ పోలీసులకు ఫిర్యాదు చేశారు. రంగంలోకి దిగిన పోలీసులు చోరీకి పాల్పడింది నాగయ్యగా గుర్తించారు. అతని నుంచి రూ.3లక్షల 95 వేల విలువైన సొమ్మును స్వాధీనం చేసుకొని... నాగయ్యను రిమాండ్కు తరలించారు.
ఇదీ చదవండి:యూట్యూబ్ చూసి చోరీలు.. ఆఖరికి చిక్కారు..