సౌదీ అరేబియాలో యెమెన్ తిరుగుబాటుదారులు దాడికి పాల్పడ్డారు. అభా ఎయిర్పోర్ట్ లక్ష్యంగా చేసిన ఈ దాడిలో ఓ పౌర విమానానికి మంటలు అంటుకున్నాయి. అప్రమత్తమైన అగ్నిమాపక దళాలు మంటలను అదుపు చేశాయని స్థానిక వార్తా సంస్థ తెలిపింది. ఈ ఘటనలో ఎంతమంది మరణించి ఉంటారనే విషయంపై స్పష్టత రాలేదని పేర్కొంది. దాడి సమయంలో ఎయిర్పోర్ట్లో రెండు విమానాలు ఉన్నట్లు తెలుస్తోంది.
సౌదీ ఎయిర్పోర్ట్పై దాడి- ఓ విమానానికి మంటలు
సౌదీ ఎయిర్పోర్ట్పై దాడి- ఓ విమానానికి మంటలు
17:34 February 10
సౌదీ ఎయిర్పోర్ట్పై దాడి- ఓ విమానానికి మంటలు
హౌతీ తిరుగుబాటుదారులే ఈ దాడికి పాల్పడ్డారని సౌదీ అరేబియా సైనిక అధికారి కర్నల్ తుర్కి అల్ మలికీ తెలిపారు. బాంబులతో కూడిన డ్రోన్లను ప్రయోగించేందుకు యత్నించారని చెప్పారు. అయితే వీటిని భద్రతా దళాలు అడ్డుకొని నాశనం చేశాయని చెప్పారు. స్థానిక పౌరుల లక్ష్యంగా పగడ్బందీ ప్రణాళికతోనే ఈ దాడి జరిగిందని అన్నారు.
కఠిన చర్యలు తప్పవు
యెమెన్లోని హౌతీ తీవ్రవాదులకు వ్యతిరేకంగా సౌదీ అరేబియా యుద్ధంలో పాల్గొంటోంది. ఈ సైనిక చర్య వల్ల ప్రపంచంలో అత్యంత తీవ్రమైన మానవతా సంక్షోభం ఏర్పడింది. అయితే తాజా దాడిపై హౌతీ నుంచి ఎలాంటి ప్రకటన రాలేదు.
మరోవైపు, ఈ ఘటనకు కారకులైనవారిని బాధ్యులను చేస్తామని యెమెన్లో పోరాటం సాగిస్తున్న సౌదీ సైనిక కూటమి తెలిపింది. అంతర్జాతీయ చట్టాలకు అనుగుణంగా బాధ్యులైన ఉగ్ర సంస్థపై కఠిన చర్యలు తీసుకుంటామని స్పష్టం చేసింది.
Last Updated : Feb 10, 2021, 7:17 PM IST