సముద్ర గర్భంలో రయ్రయ్- ఉబర్ నూతన సేవలు సముద్రం అడుగుకు వెళ్లాలంటే ప్రత్యేక సూటు, ఆక్సిజన్ మాస్క్ ధరించాల్సిందే. ముఖ్యంగా ఎంతో ధైర్యం, ప్రత్యేక శిక్షణ అవసరం. సామాన్యులకు అంత సులభం కాదు. సముద్రపు అడుగులో సాహస యాత్ర చేయాలనుకునే వారికోసం ప్రపంచంలోనే మొట్టమొదటి సారిగా 'ట్యాక్సీ' జలాంతర్గామి సేవలను అందుబాటులోకి తీసుకొచ్చింది ఉబర్ సంస్థ. ఆస్ట్రేలియాలోని అద్భుతమైన పగడాల దీవిలో క్వీన్స్ల్యాండ్ పర్యటక శాఖతో కలిసి సంయుక్తంగా "ఎస్సీ ఉబర్" పేరిట.. జలాంతర్గామి సేవలను ప్రవేశపెట్టింది. ఈ జలాంతర్గామిలో ప్రయాణించే వారు సముద్ర లోపల 180 డిగ్రీలతో అందాలను వీక్షించొచ్చు. ఎలాంటి మాస్క్ ధరించకుండానే సుమారు 30 మీటర్ల లోతువరకు చేరుకోవచ్చు.
ధర ఇదే..
ఉబర్ యాప్ ద్వారా ఈ సబ్మెరైన్ సేవలను పొందవచ్చు. ఇందు కోసం ఇద్దరు ప్రయాణికులు 3 వేల ఆస్ట్రేలియన్ డాలర్లు వెచ్చించాల్సి ఉంటుంది.
27న ప్రారంభం
క్వీన్స్ల్యాండ్ గోల్డ్స్టోన్ తీరంలోని హెరోన్ ద్వీపంలో రేపు(మే 27న) ఈ సేవలను ప్రారంభించనుంది ఉబర్ సంస్థ. జూన్ 18 వరకు ఉత్తర క్వీన్స్లాండ్ పోర్ట్ డగ్లస్లోని అగిన్కోర్ట్ పగడాల దీవిలో ఈ సేవలను అందించాలని ప్రణాళిక వేసుకుంది.
ఇదీ చూడండి:కారుపై 'పేడ కోటింగ్'... చల్లటి ఐడియా గురూ!
