దక్షిణ సిరియాలో ఇజ్రాయెల్ వాయుసేన క్షిపణుల వర్షం కురిపించిందని సిరియా సైన్యం తెలిపింది. క్వినెట్రా ప్రాంతంలో జరిపిన ఈ దాడుల్లోప్రాణనష్టమేమీ జరగలేదని వెల్లడించింది.
స్థానిక కాలమాన ప్రకారం.. బుధవారం రాత్రి 10.42గంటలకు దాడి జరిగిందని సిరియా ప్రభుత్వ వార్తా సంస్థ 'సనా' పేర్కొంది. గోలన్ హైట్స్ క్షిపణి కేంద్రం నుంచి ఈ రాకెట్ దాడులు జరిగాయని తెలిపింది. వీటిని సిరియా ఆర్మీ సమర్థవంతంగా తిప్పికొట్టిందని.. ఇజ్రాయెల్ క్షిపణులను నేలకూల్చేసిందని వెల్లడించింది.
అయితే, విదేశీ భూభాగంలో దాడులు చేసినట్టుగా వచ్చిన వార్తలపై స్పందించేది లేదని ఇజ్రాయెల్ స్పష్టం చేసింది.