ఇజ్రాయెల్ ప్రధాని బెంజమిన్ న్యెతన్యాహుకు వ్యతిరేకంగా చేపడుతున్న నిరసనలు శనివారం మిన్నంటాయి. పదవి నుంచి దిగిపోవాలని ఆ దేశ రాజధాని జెరుసలేంలో చేపట్టిన ఆందోళనల్లో వేల సంఖ్యలో ప్రజలు పాల్గొన్నారు. దేశమంతటా ప్రధాన కూడళ్ల వద్ద ఆందోళనలు నిర్వహించారు. తీవ్ర చలిలోనూ వెనక్కి తగ్గకుండా తమ అసంతృప్తిని వ్యక్తం చేశారు.
ఆందోళన చేస్తున్న నిరసనకారులు
అవినీతికి పాల్పడుతున్నాడంటూ న్యెతన్యాహుపై గతకొంతకాలంగా నిరసనలు వెల్లువెత్తుతున్నాయి. ప్రధానిగా బాధ్యతలను నిర్వర్తించడంలో విఫలమయ్యారని నిరసనకారులు ఆరోపిస్తున్నారు. కరోనాను అరికట్టలేకపోయారని దుయ్యబట్టారు. అయితే ఈ ఆరోపణలను న్యెతన్యాహు కొట్టిపారేస్తున్నారు. మరోవైపు.. ఇజ్రాయెల్లో దాదాపు నాలుగో వంతు ప్రజలు కరోనా టీకా మొదటి డోసును తీసుకున్నారు.