యెమెన్లో ప్రభుత్వ దళాలు, తిరుగుబాటుదారుల మధ్య భీకర ఘర్షణలు (Yemen news) జరుగుతున్నాయి. మరిబ్ రాష్ట్రం, హరిబ్ జిల్లాలోని లామా ప్రాంతంలో మంగళవారం జరిగిన దాడుల్లో దాడులు జరిగాయి. 80 మందికిపైగా ప్రాణాలు కోల్పోయారు. మృతుల్లో 8 మంది యెమెన్ ప్రభుత్వ దళాలు కాగా.. 74 మంది యెమెన్ రెబల్స్ ఉన్నట్లు ప్రభుత్వ మిలిటరీ విభాగం తెలిపింది. అయితే ఈ ఘటనపై హౌతీ అధికారులు ఎలాంటి అధికారిక ప్రకటన వెల్లడించలేదు.
దాడులు ఎందుకు?
2014లో ఇరాన్ మద్దతుతో హౌతీలు (Yemen News) రాజధాని సనాను చేజిక్కించుకున్నప్పటి నుంచి యెమెన్లో అంతర్యుద్ధం (Yemen Civil War) మొదలైంది. సనా సహా దేశంలోని ఉత్తర భాగాన్ని హౌతీలు హస్తగతం చేసుకున్నారు. దీంతో అంతర్జాతీయ గుర్తింపు పొందిన ప్రభుత్వం తొలుత దక్షిణాది రాష్ట్రాలకు, ఆ తర్వాత సౌదీ అరేబియాకు తరలిపోవాల్సి వచ్చింది. ప్రభుత్వాన్ని తిరిగి అధికారంలోకి తీసుకురావడానికి అమెరికా మద్దతుతో సౌదీ నేతృత్వంలోని కూటమి 2015 మార్చిలో యుద్ధంలోకి ప్రవేశించింది.
హౌతీ స్థావరాలపై అనేక సార్లు వైమానిక దాడులు జరిపింది. ఇరు పక్షాల పరస్పర దాడులతో యెమెన్లో తీవ్రమైన మానవతా సంక్షోభం (Yemen Humanitarian Crisis) ఏర్పడింది.
ఇదీ చదవండి:ఐసిస్పై తాలిబన్ల రివెంజ్- అనేక మంది హతం!
