Rawat Helicopter Crash: హెలికాప్టర్ ప్రమాదంలో దుర్మరణం చెందిన సీడీఎస్ బిపిన్ రావత్ సహా 13 మంది అధికారుల కుటుంబాలకు సంతాపం తెలిపారు ఇజ్రాయెల్ ప్రధాన మంత్రి నాఫ్తాలీ బెన్నెట్. రావత్ నిజమైన నాయకుడని.. ఇజ్రాయెల్కు మంచి స్నేహితుడని పేర్కొన్నారు. ఈ మేరకు ట్వీట్ చేశారు.
ప్రధానితో పాటు ఇజ్రాయెల్ రక్షణ మంత్రి బెన్నీ గాంట్స్, విదేశాంగ మంత్రి యాయిర్ లాపిడ్ కూడా సంతాపం ప్రకటించారు.
నేపాల్ ప్రధాని సంతాపం..
బిపిన్ రావత్ మృతిపట్ల నేపాల్ ప్రధాని షేర్ బహదూర్ దేవ్బా సహా ఆర్మీచీఫ్ జనరల్ ప్రభురామ్శర్మ సంతాపం వ్యక్తం చేశారు.
"జనరల్ బిపిన్ రావత్, ఆయన సతీమణి సహా పలువురు సైన్యాధికారులు దుర్మరణం చెందడం బాధాకరం. వారి కుటుంబాలకు, భారత సైన్యానికి నా సంతాపం" అని దేవ్బా ట్వీట్లో పేర్కొన్నారు. నేపాల్ సైన్యానికి నిజమైన స్నేహితుడు అన్నారు ఆర్మీ చీఫ్ జనరల్ ప్రభు రామ్శర్మ. రావత్ కుటుంబసభ్యులను ఫోన్ ద్వారా ఆర్మీచీఫ్ పరామర్శించినట్లు నేపాల్ సైన్యం వెల్లడించింది.
ఇదీ చూడండి :అక్కడ స్మోకింగ్ బ్యాన్- వారు జీవితకాలం సిగరెట్ తాగలేరు!