యూఏఈలో నివాసముంటున్న ఓ భారతీయుడు భారీ గ్రీటింగ్ కార్డు నెలకొల్పారు. యూఏఈ పాలకుడు, ఉపాధ్యక్షుడు, ప్రధాని షేక్ మొహమ్మద్ బిన్ రషీద్ అల్ మక్తౌమ్ అధికారాన్ని చేపట్టి 15 ఏళ్లు పూర్తయిన సందర్భంగా.. 8.2 చదరపు మీటర్ల భారీ గ్రీటింగ్ కార్డును చెన్నైకి చెందిన రాంకుమార్ సారంగపాణి రూపొందించి, ఆవిష్కరించినట్లు దుబాయ్ మీడియా శనివారం వెల్లిడించింది. దీనిని షేక్ మహమ్మద్కు అంకితమిచ్చినట్లు తెలిపింది. తాజా రికార్డుతో రాంకుమార్ ఖాతాలో 19 రికార్డులు చేరాయి.
గ్రీటింగ్ కార్డుతో గిన్నిస్ రికార్డ్! - guinness record ramkumar in dubai
దుబాయ్లో ఉండే ఓ భారతీయుడు సరికొత్త రీతిలో ప్రయత్నించి గిన్నిస్ రికార్డుల్లోకి ఎక్కారు. ఆ దేశ ప్రధాని అధికారం చేపట్టి 15ఏళ్లు పూర్తయిన సందర్భంగా భారీ గ్రీటింగ్ కార్డుతో శుభాకాంక్షలు తెలిపారు. ఇందుకోసం రూపొందించిన 8.2 చదరపు మీటర్ల గ్రీటింగ్ కార్డుతో గిన్నిస్ రికార్డులకెక్కారు రాంకుమార్.
భారీ గ్రీటింగ్ కార్డుతో గిన్నిస్లోకి ప్రవాసి
యూఏఈ, భారత్ల్లో అత్యధిక గిన్నిస్ రికార్డులు నమోదు చేసిన వ్యక్తిగా రాంకుమార్ నిలిచినట్లు ఇక్కడి మీడియా వివరించింది. ఈ కార్డులో దుబాయ్ చిత్రకారుడు అక్బర్ సాహెబ్ గీసిన.. షేక్ మొహమ్మద్ చిత్రాలున్నట్లు పేర్కొంది. సాధారణ కార్డు కన్నా 100 రెట్లు పెద్దదిగా ఉన్నట్లు వివరించింది. గతంలో 6.729 చదరపు మీటర్ల గ్రీటింగ్ కార్డు నెలకొల్పగా రాంకుమార్ తాజాగా దానిని అధిగమించారు. 'ఆరు నెలలు శ్రమించి ఈ కార్డును రూపొందించాను. యూఏఈ 50వ జాతీయ దినోత్సవం సందర్భంగా దీనిని దేశానికి అంకితమిస్తున్నాను' అని రాంకుమార్ తెలిపారు.