పాలస్తీనా నిరసనకారులకు, ఇజ్రాయెల్ పోలీసులుకు మధ్య శనివారం ఘర్షణలు చెలరేగాయి. ఆందోళనకారులను అడ్డుకోవడానికి అధికారులు స్మోక్ బాంబులను విసిరారు. రంజాన్ ప్రార్థనల కోసం జెరూసలెం వెళ్తున్న యాత్రికుల బస్సులను పోలీసులు అడ్డుకోవడం కారణంగా గొడవలు ఆజ్యం పోసుకున్నాయి. ఈ ఘర్షణల్లో సుమారు 200 మందికి పైగా గాయపడ్డారని పాలస్తీనా వైద్యులు తెలిపారు.
జెరూసలెంలో ఘర్షణలు-200 మందికి గాయాలు!
అయితే పోలీసులు.. వారి చర్యలను సమర్థించుకున్నారు. కేవలం భద్రతాకారణాల వల్లే ఇలా చేయాల్సి వచ్చిందని తెలిపారు. కానీ నిరసనకారుల వాదన మరోలా ఉంది. తమ మత స్వేచ్ఛను దెబ్బతీసేలా పోలీసులు ప్రవర్తించారని ఆరోపిస్తున్నారు.