ఇరాక్ బాగ్దాద్ అంతర్జాతీయ విమానాశ్రయం సమీపంలోని ఓ ఇంటిపై రెండు రాకెట్లు కూలగా.. ముగ్గురు చిన్నారులు, ఇద్దరు మహిళలు మృతి చెందినట్లు ఇరాక్ మిలటరీ తెలిపింది. అల్బు అమీర్ ప్రాంతంలో మరో రాకెట్ దాడి జరగ్గా.. ఇద్దరు చిన్నారులు గాయపడినట్లు అధికారులు వెల్లడించారు. ఈ దాడికి అల్ జిహాద్కు చెందిన ముఠాలు కారణమని అనుమానిస్తున్నారు. దాడులకు గల కారకులను వెంటనే అరెస్టు చేయాలని, అలాగే పూర్తి స్థాయి దర్యాప్తు చేయాలని ఆదేశించారు ఆ దేశ ప్రధాని ముస్తఫా అల్-ఖాదిమి.
ఇరాక్లో రాకెట్ దాడులు.. ఐదుగురు మృతి
ఇరాక్లో సోమవారం జరిగిన రాకెట్ దాడుల్లో ఐదుగురు మృతి చెందారు. అందులో ముగ్గురు చిన్నారులు ఉన్నారు. మరో ఇద్దరు గాయాలపాలయ్యారు.
ఇరాక్ రాకెట్ దాడుల్లో ఐదుగురు మృతి
బాగ్దాద్ విమానాశ్రయంతో పాటు ఇరాక్ అంతటా యూఎస్ దళాల సైనిక స్థావరాలు ఉన్న నేపథ్యంలో అవే లక్ష్యంగా మోర్టార్, రాకెట్ దాడులు జరుగుతున్నట్లు తెలుస్తోంది. ఇరాక్ ప్రభుత్వం కనుక ఇటువంటి చర్యలను నియంత్రించకపోతే ఆ దేశంలో ఉన్న అమెరికా రాయబార కార్యాలయాన్ని మూసివేయనున్నట్లు అమెరికా ఉపాధ్యక్షుడు మైక్ పాంపియో హెచ్చరించారు.