Indiana Mall Shooting: అమెరికాలో మరోసారి కాల్పులు కలకలం రేపాయి. ఆదివారం సాయంత్రం ఇండియానా మాల్లోని ఫుడ్ కోర్టులో ప్రవేశించిన ఓ సాయుధుడు రైఫిల్తో కాల్పులకు తెగబడ్డాడు. ఈ ఘటనలో నిందితుడు సహా నలుగురు మరణించారు. మొదట దుండగుడు ముగ్గురు పౌరులను కాల్చిచంపగా.. అనంతరం ఓ పౌరుడు నిందితుడిని కాల్చి చంపినట్లు అధికారులు తెలిపారు. ఈ ఘటనలో మరో ఇద్దరికి గాయాలైనట్లు పేర్కొన్నారు.
ఈ కాల్పులపై సమాచారం అందుకున్న పోలీసులు.. హుటాహుటిన మాల్కు చేరుకున్నారు. మాల్లోని బాత్రూమ్లో అనుమానస్పదంగా ఓ బ్యాగు కనిపించినట్లు చెప్పారు. కేసు నమోదు చేసుకుని.. దర్యాప్తు చేపట్టామన్నారు. అనేక ఆయుధాలతో మాల్లోకి ప్రవేశించిన సాయుధుడు.. కాల్పులకు తెగబడ్డాడని పోలీసులు తెలిపారు.