Tesla CEO Elon Musk: ప్రపంచ కుబేరుడు ఎలాన్ మస్క్.. ఇటీవలే ప్రముఖ సామాజిక మాధ్యమం ట్విట్టర్ను కొనుగోలు చేశారు. ఆ తర్వాత కొకకోలా, మెక్డొనాల్డ్ వంటి ప్రముఖ సంస్థలను కొనుగోలు చేస్తున్నట్లు ట్వీట్ చేసి షాక్ ఇచ్చారు. ఇలా ఎప్పటికప్పుడు తన ట్వీట్లతో అందరినీ ఆశ్చర్యపరుస్తారు మస్క్. తాజాగా అనుమానాస్పద పరిస్థితుల్లో మరణంపై.. మస్క్ చేసిన మరో ట్వీట్ చర్చకు దారితీసింది.
" నేను అనుమానాస్పద పరిస్థితుల్లో చనిపోతే.. మీ అందరితో పరిచయం అయినందుకు సంతోషం."
- ఎలాన్ మస్క్, టెస్లా సీఈఓ
ఈ పోస్టుకు ఒక గంట ముందు.. 'ఉక్రెయిన్లోకి ఫాసిస్ట్ దళాలతో పాటు కమ్యూనికేషన్ సామగ్రిని పంపించటంలో మీ భాగస్వామ్యం ఉంది. దీనికి మీరు బాధ్యత వహించాల్సి ఉంటుంది.' అంటూ రష్యన్ అధికారి పంపిన సందేశాన్ని షేర్ చేశారు మస్క్. ఈ సామగ్రి ఉక్రెయిన్కు పెంటగాన్ పంపించినట్లు పేర్కొన్నారు రష్యన్ అధికారి.
ఈ రెండు పోస్టులతో.. యుద్ధం కొనసాగుతున్న వేళ ఉక్రెయిన్కు సాయం చేయటం వల్ల మస్క్కు రష్యా నుంచి బెదిరింపులు వస్తున్నాయా? అనే విషయంపై ఊహాగానాలు మొదలయ్యాయి. ఉక్రెయిన్లో స్పేస్ఎక్స్ స్టార్లింక్ శాటిలైట్ బ్రాడ్బాండ్ సేవలు ఈ ఏడాది ఫిబ్రవరిలో ప్రారంభమయ్యాయి. యుద్ధం జరుగుతున్న క్రమంలో శాటిలైట్ బ్రాడ్బాండ్ సేవలు ప్రారంభించటంపై రష్యా గుర్రుగా ఉన్నట్లు తెలుస్తోంది.
ఇదీ చూడండి:యుద్ధ సమయంలో ఉక్రెయిన్కు మస్క్ సాయం.. ఏం చేశారంటే?
సాయంలో మస్క్ రికార్డ్- పిల్లల కోసం 570 కోట్ల డాలర్ల షేర్లు విరాళం!