Russian Ukraine: ఓవైపు శాంతి చర్చలు.. మరోవైపు భీకర దాడులు

Russia Ukraine news: ఉక్రెయిన్‌-రష్యా యుద్ధం 36వ రోజూ కొనసాగింది. ఉక్రెయిన్‌ జరిపిన వైమానిక దాడిలో బెల్గోరడ్‌లోని తమ చమురు డిపో ధ్వంసమైనట్లు రష్యా ఆరోపించింది. అటు మైకోలైవ్‌లోని పరిపాలన భవనంపై జరిగిన క్షిపణి దాడిలో మృతుల సంఖ్య 24కు చేరినట్లు ఉక్రెయిన్‌ అధికారులు తెలిపారు. కీవ్‌ నుంచి రష్యా బలగాల ఉపసంహరణ కొనసాగుతోందన్న ఉక్రెయిన్‌.. మాస్కో ఆధీనంలోని రెండు గ్రామాలను స్వాధీనం చేసుకున్నట్లు ప్రకటించింది. ఇప్పటివరకు 17, 700 మంది రష్యా సైనికులను మట్టుబెట్టినట్లు ఉక్రెయిన్‌ వెల్లడించింది.

Russia Ukraine War: ఓ వైపు తి చర్చలు జరుపుతూనే... మరోవైపు పరస్పరం దాడులకు దిగుతున్నాయి రష్యా, ఉక్రెయిన్‌. తమ ప్రాంతంలోని చమురు డిపోపై ఉక్రెయిన్ హెలికాప్టర్లు దాడి చేశాయని రష్యాలోని బెల్గోరడ్ ప్రాంత గవర్నర్ వ్యాచెస్లావ్‌ గ్లాడ్‌కోవ్‌ ఆరోపించారు. ఈ ఘటనలో ఇద్దరు గాయపడ్డారని తెలిపారు. చమురు డిపోలో పేలుడు, అగ్నిప్రమాదం ఫొటోలు, వీడియోలను రష్యన్ మీడియా ప్రచురించింది. ఈ తరహా దాడులు శాంతి చర్చలకు విఘాతంగా మారతాయని క్రెమ్లిన్‌ ప్రతినిధి మండిపడ్డారు. దాడి విషయాన్ని పుతిన్‌ దృష్టికి తీసుకెళ్లినట్లు చెప్పారు. రష్యాకి చెందిన చమురు డిపోపై దాడిలో తమ బలగాల ప్రమేయం ఉందో లేదో తెలియదని ఉక్రెయిన్‌ విదేశాంగ మంత్రి దిమిత్రో కులేబా అన్నారు.

Russia Ukraine Conflict: మైకోలైవ్‌లోని రీజినల్‌ అడ్మినిస్ట్రేటివ్‌ భవనంపై మంగళవారం జరిగిన రష్యన్‌ క్షిపణి దాడిలో మరణించినవారి సంఖ్య 28కు పెరిగినట్లు ఉక్రెయిన్ స్టేట్ ఎమర్జెన్సీ సర్వీస్ వెల్లడించింది. అటు మరియూపోల్‌లో చిక్కుకున్న వారిని తరలించేందుకు బయల్దేరిన 45 బస్సుల కాన్వాయ్‌ను రష్యా బలగాలు అడ్డుకున్నట్లు ఉక్రెయిన్‌ ఆరోపించింది. అక్కడి వారి కోసం పంపిస్తున్న ఆహారం, ఔషధ సరఫరాలను కూడా రష్యా సైనికులు స్వాధీనం చేసుకుంటున్నట్లు మండిపడింది. చెర్నీహివ్‌కు దక్షిణాన ఉన్న స్లోబోదా, లుకాషివ్కా గ్రామాలను ఉక్రెయిన్‌ దళాలు తిరిగి స్వాధీనం చేసుకున్నాయని బ్రిటన్‌ రక్షణ శాఖ తెలిపింది.

Raussi Ukraine Crisis: రష్యా దాడుల్లో ఇప్పటివరకు 153 మంది చిన్నారులు మృతి చెందినట్లు ఉక్రెయిన్‌ ప్రాసిక్యూటర్‌ జనరల్‌ కార్యాలయం తెలిపింది. 245 మంది గాయపడినట్లు చెప్పింది. అటు 17,700 మంది రష్యా సైనికులను తమ సైన్యం మట్టుబెట్టినట్లు ఉక్రెయిన్ రక్షణశాఖ ప్రకటించింది. అలాగే 625 ట్యాంకులు, 1751 సాయుధ వాహనాలు, 143 యుద్ధ విమానాలు, 131 హెలికాప్టర్లు, 85 UAVలను ధ్వంసం చేసినట్లు వివరించింది. ఏడు నౌకలు, 54 విమాన, క్షిపణి విధ్వంసక వ్యవస్థలను నాశనం చేసినట్లు పేర్కొంది. నెల రోజులుగా రష్యా సేనలకు ఎదురొడ్డి తమ సైన్యం పోరాడుతోందని జెలెన్‌స్కీ ప్రశంసించారు. శత్రు దేశాల అంచనాలకు మించి తాము బలంగా నిలబడ్డామన్నారు. రష్యాతో చర్చల ప్రయోజనం మాటల్లో తప్ప చేతల్లో లేవని జెలెన్‌స్కీఅసంతృప్తి వ్యక్తం చేశారు.

ఇదీ చదవండి:పదవి కోసం ఇమ్రాన్​ నిర్వాకం.. బైడెన్​ను బూచిగా చూపే యత్నం..!