బ్రిటన్ పార్లమెంటు దిగువ సభలో కూర్చుని, మొబైల్ ఫోన్లో నీలి చిత్రాలు చూసిన అధికార కన్జర్వేటివ్ పార్టీ సభ్యుడు నీల్ పారిష్(65) తన పదవికి రాజీనామా చేశారు. సొంత పార్టీ ఎంపీల నుంచే తీవ్ర వ్యతిరేకత వచ్చిన నేపథ్యంలో శనివారం రాజీనామాపై ప్రకటన చేశారు నీల్. సభలో పోర్న్ చూశానని అంగీకరించారు. బ్రిటన్ పార్లమెంటు పర్యావరణం, ఆహారం, గ్రామీణ వ్యవహారాల కమిటీ ఛైర్మన్గానూ ఉన్నారు నీల్.
పార్లమెంటులో పోర్న్ షో.. అధికార పక్ష ఎంపీ రాజీనామా - britain parliament news
పార్లమెంటులో నీలి చిత్రాలు చూసి, తీవ్ర విమర్శలపాలైన బ్రిటన్ అధికార పార్టీ ఎంపీ నీల్ పారిష్.. పదవికి రాజీనామా చేశారు. ఓ ట్రాక్టర్ వెబ్సైట్ చూద్దామనుకుంటే అదే పేరుతో ఉన్న పోర్న్ సైట్ ఓపెన్ అయిందని, కాసేపు చూశానని ఆయన అంగీకరించారు.
పార్లమెంటులో పోర్న్ షో.. అధికార పక్ష ఎంపీ రాజీనామా
"అవి పిచ్చి క్షణాలు. నేను ఓ ట్రాక్టర్ వెబ్సైట్ కోసం వెతుకుతున్నా. అప్పుడు అలాంటి పేరుతోనే ఉన్న ఓ పోర్న్ వెబ్సైట్ ఓపెన్ అయింది. కాసేపు చూశా. తర్వాత రెండోసారి అదే సైట్ ఓపెన్ చేసి చూడడం నేను చేసిన అతి పెద్ద నేరం. రెండోసారి కావాలనే చూశా." అని తన తప్పును అంగీకరించారు నీల్.
నీల్.. దాదాపు పదేళ్లుగా అధికార పార్టీ ఎంపీగా ఉన్నారు. ఆయన సభలోనే కూర్చుని పోర్న్ చూశారన్న వార్తలు పెను దుమారం రేపాయి. మహిళా సభ్యుల నుంచి ఫిర్యాదులు పోటెత్తాయి. లాక్డౌన్ వేళ ప్రధాని బోరిస్ జాన్సన్ పార్టీలకు హాజరవడంపై ఇప్పటికే వ్యతిరేకత ఎదుర్కొంటూ.. ఈనెల 5న జరిగే స్థానిక సంస్థల ఎన్నికలకు సిద్ధమవుతున్న అధికార పక్షం.. నీల్ వ్యవహారాన్ని తీవ్రంగా పరిగణించింది. ఫలితంగా ఆయన రాజీనామా చేయక తప్పలేదు.