9 babies Mali woman:ఏడాది క్రితం మాలీకి చెందిన ఓ మహిళ ఒకే కాన్పులో తొమ్మిది మందికి జన్మనిచ్చి గిన్నిస్ రికార్డు బద్దలు కొట్టిన సంగతి అందరికీ గుర్తుండే ఉంటుంది. ఒకే కాన్పులో పుట్టిన ఆ తొమ్మిది చిన్నారులు పూర్తి ఆరోగ్యంతో తమ తొలి పుట్టినరోజు వేడుకలను ఘనంగా జరుపుకున్నారు.
9 babies born update:ఆఫ్రికా దేశం మాలీకి చెందిన హాలిమా సిస్సేకు సరిగ్గా ఏడాది క్రితం ఒకే కాన్పులో తొమ్మిది మంది జన్మించారు. మొరాకోలోని ఓ ఆస్పత్రిలో ఇద్దరు వైద్యులు శ్రమించి తల్లీ పిల్లలను కాపాడారు. తొమ్మిది మంది సంతానంలో అయిదుగురు అమ్మాయిలు, నలుగురు అబ్బాయిలు ఉన్నారు. పూర్తి ఆరోగ్యంతో ఉన్న ఈ తొమ్మిది మంది చిన్నారులు ప్రస్తుతం పాకేదశకు చేరుకున్నారు. కొంతమంది కూర్చుంటూ ఉంటే, మరికొంతమంది గోడలు పట్టుకుని నడిచేందుకు ప్రయత్నిస్తున్నారు.