ఇస్టామిక్‌ స్టేట్‌ (ఐసిస్) గ్రూప్ చీఫ్ అబూ అల్-హసన్ అల్-హషిమీ అల్-ఖురేషీ హతమయ్యాడు. తమ నాయకుడు మృతిచెందినట్టు ఉగ్రవాద సంస్థ ఐసిస్ ప్రకటించింది. ఈ మేరకు ఒక ఆడియో సందేశాన్ని విడుదల చేసింది. అందులో అబు అల్-హసన్ స్థానంలో ఐఎస్‌ కొత్త చీఫ్‌గా అబూ అల్-హుస్సేన్‌ అల్-హుస్సేని అల్-ఖురేషీని నియమించినట్లు వెల్లడించింది. ఈ ఆడియో సందేశంలో మాట్లాడిన వ్యక్తి ఉగ్రవాద గ్రూప్ కొత్త చీఫ్ అబూ అల్-హుస్సేన్‌ అని అంతర్జాతీయ మీడియా కథనాలు పేర్కొన్నాయి. ఈ సందేశంలో అబూ అల్-హసన్ ఇరాక్‌లో శత్రువులతో జరిగిన యుద్ధంలో చనిపోయినట్లు పేర్కొన్నారు. ఆయన ఎప్పుడు మరణించాడనే వివరాలను మాత్రం బయటపెట్టలేదు.
ఐసిస్ చీఫ్ అబూ అల్ హసన్ ఖురేషీ హతం.. కొత్త అధినేత అతడే.. - ఐసిస్ చీఫ్ మృతి
ఐసిస్ గ్రూప్ చీఫ్ అబూ అల్ హసన్ అల్ హషిమీ అల్ ఖురేషీ హతమయ్యాడు. ఇరాక్‌లో శత్రువులతో జరిగిన యుద్ధంలో చనిపోయినట్లు ఐసిస్ వెల్లడించింది.
ISIS CHIEF DEAD
అబూ అల్-హసన్‌కి ముందు ఐసిస్ చీఫ్‌గా వ్యవహరించిన అబూ ఇబ్రహీం అల్-హషిమీ అల్-ఖురేషీ ఫిబ్రవరిలో ఉత్తర సిరియా ప్రాంతంలోని ఇడ్లిబ్‌ ప్రావిన్స్‌లో అమెరికా బలగాలు చుట్టుముట్టడంతో తనను తాను పేల్చేసుకున్నాడు. అంతకముందు అమెరికా కమాండోల దాడిలో ఇస్లామిక్‌ స్టేట్‌ కీలక నేత అబూ బకర్‌ అల్-బగ్దాది హతమయ్యాక 2019 అక్టోబరు 31న అతడి స్థానంలోకి ఖురేషీ వచ్చాడు. తాజాగా అబూ అల్-హసన్ మృతిచెందినట్టు ఉగ్రవాద సంస్థ ప్రకటించింది.