ఇరాన్ రాకెట్ ప్రయోగం... అణు చర్చలకు విఘాతం?

Iran rocket launch: ఇరాన్ రాకెట్ ప్రయోగాలు చేపట్టింది. శాటిలైట్లు మోసుకెళ్లే ఘన ఇంధన రాకెట్​ను ప్రయోగించినట్లు స్థానిక వార్తా సంస్థలు తెలిపాయి. అణు చర్చలపై త్వరలో ప్రతిష్టంభన తొలగిపోనుందనే వార్తల మధ్య ఈ ప్రయోగం చేపట్టింది ఇరాన్.

Iran rocket launch: ఇరాన్​తో అణు చర్చలు పునఃప్రారంభించేందుకు ఐరోపా సమాఖ్య అంగీకరించిన మరుసటి రోజే దుందుడుకు చర్యలకు పాల్పడింది ఆ దేశం. క్షిపణి వాహక నౌకతో పాటు ఓ రాకెట్​ను ఇరాన్ ప్రయోగించింది. ఘన ఇంధనంతో ఈ రాకెట్ పనిచేస్తుందని ఆ దేశ మీడియా వెల్లడించింది. సరిగా ఏ సమయంలో రాకెట్​ను ప్రయోగించిందనేది తెలియలేదు. అయితే, శాటిలైట్ చిత్రాలు, ఎడారిలో లాంఛింగ్ ప్యాడ్ ఫొటోలు బయటకు వచ్చాయి.

Iran nuclear talks:'జుల్​జనా' రాకెట్ పేరుతో రాకెట్ ప్రయోగం చేపట్టనున్నట్లు ఇరాన్ గతంలోనే ప్రకటించింది. అయితే, ప్రస్తుతం నిర్వహించిన ప్రయోగం విజయవంతం అయిందో లేదో తెలియలేదు. ఐరోపా సమాఖ్య విదేశాంగ విధాన చీఫ్ జోసెఫ్ బోరెల్ శనివారమే ఇరాన్​లో పర్యటించారు. నిలిచిపోయిన అణు చర్చలను తిరిగి ప్రారంభించే దిశగా చర్యలు చేపట్టారు. త్వరలోనే అమెరికా, ఇరాన్ మధ్య అణు ఒప్పందంపై చర్చలు జరుగుతాయని శనివారమే ఆయన ప్రకటించారు. ఈ నేపథ్యంలోనే ఇరాన్ రాకెట్ ప్రయోగాలు చేపట్టడం గమనార్హం. గతంలో ఇరాన్ నిర్వహించిన రాకెట్ ప్రయోగాలపై అమెరికా మండిపడింది. తాజా ప్రయోగాలపై అగ్రరాజ్యం ఎలా స్పందిస్తుందనేది ఆసక్తికరంగా మారింది.

ఇదీ చదవండి: