Lawsuit On Modi Jagan : అవినీతికి పాల్పడుతున్నారంటూ ప్రధాని నరేంద్ర మోదీ, ఆంధ్రప్రదేశ్ ముఖ్యమంత్రి వైఎస్‌ జగన్ మోహన్‌ రెడ్డి, వ్యాపార దిగ్గజం గౌతమ్‌ అదానీపై ఓ భారతీయ అమెరికన్ వైద్యుడు దావా వేశారు. రాజకీయ ప్రత్యర్థులపై పెగసస్ స్పైవేర్ను ఉపయోగిస్తున్నారని ఆయన వ్యాజ్యంలో ఆరోపించారు.
ఆంధ్రప్రదేశ్కు చెందిన డా.లోకేశ్ ఉయ్యూరు.. అమెరికాలోని రిచ్మండ్లో గ్యాస్ట్రోఎంటరాలజిస్ట్గా పని చేస్తున్నారు. మే 24న ఆయన మోదీ, జగన్, అదానీపై కోర్టులో దావా దాఖలు చేశారు. ప్రపంచ ఆర్థిక వేదిక వ్యవస్థాపకుడు క్లాస్ స్క్వాబ్ పేరును కూడా లోకేశ్ దావాలో ప్రస్తావించారు. ఈ వ్యాజ్యంపై విచారణ కోసం కొలంబియా డిస్ట్రిక్ట్ కోర్టు వీరికి సమన్లు జారీ చేసింది. మోదీ, జగన్, అదానీకి ఆగస్టు 4న, స్విట్జర్లాండ్లో ఉన్న క్లాస్ స్క్వాబ్కు ఆగస్టు 2న సమన్లు వెళ్లాయి.