అప్గాన్​ మసీదు, స్కూల్​లో బాంబు పేలుళ్లు- 33 మంది మృతి

Afghanistan bomb blast: అఫ్గానిస్థాన్​లో జరిగిన బాంబు పేలుళ్లలో 33 మంది మరణించగా, మరో 43 మంది గాయపడ్డారు. ఈ ఘటన శుక్రవారం జరిగింది.

Afghanistan bomb blast: అఫ్గానిస్థాన్​లో బాంబు పేలుళ్లు కలకలం రేపాయి. మసీదు, మతపరమైన పాఠశాలలో జరిగిన బాంబు దాడిలో 33 మంది మరణించారని తాలిబన్ అధికారి తెలిపారు. ఈ ఘటనలో మరో 43 మందికి గాయాలయ్యాయని వెల్లడించారు. క్షతగాత్రుల్లో చాలా మంది విద్యార్థులు ఉన్నారని పేర్కొన్నారు.

కుందుజ్ ప్రావిన్స్‌లోని ఇమామ్ సాహెబ్ పట్టణంలో ఈ ఘటన జరిగిందని జబీహుల్లా ముజాహిద్ ట్వీట్​ చేశారు. ఈ బాంబు దాడికి పాల్పడింది ఎవరో తెలియాల్సి ఉంది. ఐసిస్​ పాత్రే ఉన్నట్లు అనుమానిస్తున్నారు. గురువారం.. ఉత్తర మజర్-ఇ-షరీఫ్​​లోని మసీదుపై దాడికి పాల్పడింది తామేనని ఐసిస్ ప్రకటించింది. ఈ బాంబు పేలుడులో 10 మంది మరణించగా, మరో 10 మంది గాయపడ్డారు.

ఇదీ చదవండి:శత్రు దేశాల అధినేతల 'ప్రేమ లేఖలు'- అసలు లక్ష్యం అదేనా?