'సురక్షితమని తేలనిదే ఏ వ్యాక్సిన్​ను ఆమోదించం'

ఏ వ్యాక్సిన్​ అయినా.. సురక్షితమని, సమర్థవంతంగా పని చేస్తుందని నిరూపితమయ్యే వరకు ఆమోదించబోమని స్పష్టం చేసింది ప్రపంచ ఆరోగ్య సంస్థ. పూర్తిస్థాయి ప్రయోగ ఫలితాలు రాకముందే టీకా పంపిణీ చేయటాన్ని ప్రజలు అడ్డుకోవాలని సూచించింది. రష్యా, చైనా దేశాల ప్రకటనల మేరకు స్పందంచింది డబ్ల్యూహెచ్​ఓ.

కరోనా మహమ్మారి వ్యాక్సిన్​ కోసం యావత్​ ప్రపంచం ఎదురుచూస్తోంది. ఈ క్రమంలో కీలక వ్యాఖ్యలు చేసింది ప్రపంచ ఆరోగ్య సంస్థ. సురక్షితమని, సమర్థవంతమైందని నిరూపితమయ్యే వరకు ఏ వ్యాక్సిన్​ను సిఫారసు చేయమని స్పష్టం చేసింది. రష్యా, చైనా దేశాలు తమ వ్యాక్సిన్​ ప్రయోగాత్మక వినియోగాన్ని ప్రారంభించటం, పలు దేశాలు టీకా అనుమతుల కోసం తమ చట్టాల్లో మార్పులు చేసేందుకు ప్రయత్నిస్తున్న క్రమంలో ఈ మేరకు వెల్లడించారు డబ్ల్యూహెచ్​ఓ చీఫ్​ టెడ్రోస్​ అధనోమ్​.

" సమర్థవంతం, సురక్షితం కాని వ్యాక్సిన్​ను ప్రపంచ ఆరోగ్య సంస్థ ఆమోదించదని ప్రజలకు భరోసా ఇస్తున్నా. సొంత పరిశోధన ద్వారా అందుబాటులోకి తీసుకొచ్చిన వ్యాక్సిన్​ను ప్రజలు తిరస్కరించాలి. వ్యాక్సిన్ల విషయంలో ప్రజలు అయోమయంలో పడకూడదు."

- ​ టెడ్రోస్ అధనోమ్​​, డబ్ల్యూహెచ్​ఓ అధినేత.

కొత్తగా అభివృద్ధి చేసిన ఎబోలా వ్యాక్సిన్లు.. ఇటీవల కాంగోలో ఎబోలా వ్యాప్తిని అంతం చేసేందుకు సాయపడ్డాయన్నారు టెడ్రోస్​.

తమ దేశంలో ఏదైన సమర్థవంతమైన కరోనా వ్యాక్సిన్​ను ఉపయోగించేలా అనుమతులు ఇచ్చేందుకు చట్టాల్లో మార్పులు చేస్తున్నట్లు గత వారం ప్రకటించింది బ్రిటన్​. రష్యా టీకా స్పుత్నిక్​.. సమర్థవంతంగా పని చేస్తుందని శాస్త్రవేత్తలు ప్రకటించారు. చైనా తమ వ్యాక్సిన్​ను ప్రయోగాత్మక పరిశీలన చేపట్టినట్లు తెలిపింది.

ఇదీ చూడండి: 'జాన్సన్​ అండ్​ జాన్సన్'​ వ్యాక్సిన్​ ఆశాజనక ఫలితాలు