'రష్యా వ్యాక్సిన్​కు అన్ని పరీక్షలు జరగలేదు'

రష్యా ఆమోదించిన కరోనా వ్యాక్సిన్ చివరి దశ ప్రయోగాలు చేసి పరీక్షించింది కాదని ప్రపంచ ఆరోగ్య సంస్థ తెలిపింది. ప్రస్తుతం తొమ్మిది టీకాలు మాత్రమే తుది పరీక్షల దశలో ఉన్నాయని, అందులో రష్యా వ్యాక్సిన్ లేదని స్పష్టం చేసింది. అయితే దీనిపై పూర్తి అవగాహన కోసం రష్యా నుంచి సమాచారాన్ని కోరినట్లు వెల్లడించింది.

రష్యా ఆమోదించిన కరోనా వ్యాక్సిన్ చివరి దశ ప్రయోగాలు చేసి పరీక్షించింది కాదని ప్రపంచ ఆరోగ్య సంస్థ(డబ్ల్యూహెచ్​ఓ) తెలిపింది. పరీక్షల తుది దశలో ఉన్న తొమ్మిది వ్యాక్సిన్​లలో రష్యా టీకా లేదని స్పష్టం చేసింది.

అయితే రష్యా వ్యాక్సిన్​పై ఓ నిర్ణయానికి వచ్చేందుకు తమ వద్ద పూర్తి సమాచారం లేదని డబ్ల్యూహెచ్​ఓ డైరెక్టర్ జనరల్​కు సీనియర్ అడ్వైజర్ అయిన డాక్టర్ బ్రూస్ అయిల్​వార్డ్ పేర్కొన్నారు. వ్యాక్సిన్ గురించి అవగాహనకు వచ్చే విధంగా అదనపు సమాచారం కోసం రష్యాతో సంప్రదింపులు జరుపుతున్నట్లు తెలిపారు. ఈ సమాచారాన్ని బట్టి ట్రయల్స్ నిర్వహించిన తీరు, పాటించిన దశల గురించి తెలుసుకోనున్నట్లు చెప్పారు.

కొవిడ్ టీకాను ఆమోదించినట్లు రష్యా ఇటీవలే ప్రకటించింది. అయితే ఈ టీకా ట్రయల్స్ పూర్తి కాలేదని శాస్త్రవేత్తలను అనుమానిస్తున్నారు. సరైన ఆధారాలు లేకుండానే వైరస్ ప్రభావవంతంగా పనిచేస్తోందని ప్రకటించడాన్ని తప్పుబడుతున్నారు.