ఐరోపా దేశం బెలారస్లో మరోసారి నిరసన జ్వాలలు మిన్నంటాయి. రెండు వారాల క్రితం జరిగిన అధ్యక్ష ఎన్నికలను తప్పుబడుతూ ఆందోళన బాట పట్టారు అక్కడి ప్రజలు. ఆ దేశ అధ్యక్షుడు అలెగ్జాండర్ లుకాషింకో(65) అధికార దుర్వినియోగానికి పాల్పడి మరోసారి ఎన్నియ్యారని, ఆయన పదవికి రాజీనామా చేయాలని పెద్దఎత్తున ర్యాలీ చేశారు. రాజధాని మిన్స్క్లో సుమారు 20వేల మందికిపైగా నిరసనల్లో పాల్గొన్నారు.
రాజధాని మిన్స్క్లో భారీ ర్యాలీ చేపట్టిన నిరసనకారులు
2.5 కిలోమీటర్ల మేర ర్యాలీ..
రాజధాని మిన్స్క్ నగర కూడలి నుంచి జెండాలు, ప్లకార్డులు చేతబూని.. సుమారు 2.5 కిలోమీటర్ల మేర క్యూలో నిల్చుని అధ్యక్ష భవనాన్ని ముట్టడించారు నిరసనకారులు. అయితే భవనంలోకి ఎవరూ చొరబడకుండా పోలీసులు అడ్డుకున్నారు. వారిపై జలఫిరంగులు, బాష్ప వాయువు, రబ్బరు బుల్లెట్లు ప్రయోగించారు.