ఆ వయస్సుల వారికి ఫైజర్‌ టీకా- బ్రిటన్‌ ఆమోదం!

12-15 ఏళ్ల పిల్లలకు ఫైజర్‌ టీకా ఇచ్చేందుకు బ్రిటన్‌ ఆమోదం తెలిపింది. ఈ టీకా వారికి సురక్షితమేనని తెలిపింది.

12-15 సంవత్సరాల పిల్లలకు ఫైజర్ టీకాను అందించేందుకు బ్రిటన్ ఆరోగ్య నియంత్రణ సంస్థ ఆమోదం తెలిపింది. ఇందుకు సంబంధించి త్వరలోనే పూర్తి వివరాలను వెల్లడించనున్నట్లు బ్రిటన్ ఆరోగ్య, సామాజిక సంరక్షణ విభాగం తెలిపింది.

12-15 సంవత్సరాల వయస్సు ఉన్న పిల్లలపై ఫైజర్​ జరిపిన క్లినికల్ ట్రయల్స్ డేటాను క్షుణ్నంగా పరిశీలించినట్లు యూకే మెడిసిన్స్ అండ్ హెల్త్‌కేర్ ప్రొడక్ట్స్ అధికారి జాన్​ రైన్ వెల్లడించారు. వ్యాక్సిన్ సురక్షితమే కాక.. ప్రభావవంతమైనదని, పిల్లలకు మహమ్మారి ముప్పును తప్పిస్తుందని నమ్ముతున్నట్లు ఆమె తెలిపారు.

ఆ దేశాల్లో ఇప్పటికే..

అమెరికా, ఐరోపా సమాఖ్య(ఈయూ) దేశాల్లో ఈ టీకాను 12-15 సంవత్సరాల వయస్సు గల పిల్లలకు అందించేందుకు ఫైజర్​ బయోఎన్​టెక్​ సంస్థకు ఇప్పటికే అనుమతులు లభించాయి. అమెరికాలో అందిస్తున్నారు కూడా. ఫ్రాన్స్, జర్మనీలు సైతం ఈ నెల నుంచి ప్రారంభించేందుకు ప్రణాళికలను రచిస్తున్నాయి.

ఇవీ చదవండి:పిల్లలపై 'కొవాగ్జిన్' ట్రయల్స్​కు డీసీజీఐ గ్రీన్​సిగ్నల్