బ్రిటన్​కు కరోనా భూతం- రెండు కేసులు నిర్ధరణ

ప్రపంచ దేశాలను గజగజలాడిస్తున్న కరోనా బ్రిటన్​కు విస్తరించింది. ఒకే కుటుంబానికి చెందిన ఇద్దరు వ్యక్తులకు వైరస్​ సోకినట్లు వైద్యులు నిర్ధరించారు.

ప్రాణాంతక కరోనా వైరస్​ బ్రిటన్​కూ వ్యాపించింది. ఒకే కుటుంబానికి చెందిన ఇద్దరు వ్యక్తులకు వైరస్​ సోకినట్లు అక్కడి ప్రభుత్వం నిర్ధరించింది. బాధితులకు ప్రత్యేక చికిత్స అందిస్తున్నట్లు తెలిపింది.

''ఒకే కుటుంబానికి చెందిన ఇద్దరు వ్యక్తులను జాతీయ ఆరోగ్య సంస్థ-ఎన్​హెచ్​ఎస్​ పరీక్షించింది. వారికి వైరస్​ సోకినట్లు నిర్ధరించింది. ప్రత్యేక శ్రద్ధతో వైద్యం అందిస్తున్నాం. వైరస్​ను నియంత్రించడానికి ప్రయత్నాలు చేస్తున్నాం. రోగులను గుర్తించడానికి అన్ని విధాలా సిద్ధం అవుతున్నాం. కరోనా విస్తరించకుండా తగిన జాగ్రత్తలు తీసుకుంటున్నాం.''

-క్రిస్ విట్టి, బ్రిటన్ ముఖ్య వైద్య అధికారి

ప్రపంచ దేశాలతో కలిసి..

కరోనాపై పోరాటానికి ప్రపంచ ఆరోగ్య సంస్థ(డబ్ల్యూహెచ్​ఓ), విదేశాలతో పని చేయడానికి సిద్ధమేనని చెప్పారు క్రిస్.

వైరస్ కారణంగా చైనాలో 213 మంది మృతి చెందారు. ఇతర దేశాల్లోనూ కరోనా విజృంభణ నేపథ్యంలో ఆరోగ్య అత్యవసర పరిస్థితి ప్రకటించింది ప్రపంచ ఆరోగ్య సంస్థ.

ఇదీ చదవండి: 'కరోనాను ఎదుర్కొనేందుకు చాలా దేశాలు సిద్ధంగా లేవు'