కార్నివాల్​లో విషాదం.. 30 మందికిపైగా గాయాలు

జర్మనీ కార్నివాల్​లో సోమవారం విషాదం చోటు చేసుకుంది. అతి వేగంగా ఓ కారు అక్కడి ప్రజలపైకి దూసుకెళ్లింది. ఈ ప్రమాదంలో 30 మందికిపైగా గాయపడినట్లు అధికారులు తెలిపారు. కారు డ్రైవర్​ను అరెస్టు చేశారు పోలీసులు.

జర్మనీ వోక్మార్సెన్​ నగరంలో సోమవారం కార్నివాల్​ జరుగుతుండగా అకస్మాత్తుగా ఓ కారు ప్రజలపైకి దూసుకొచ్చింది. ఈ ప్రమాదంలో 30 మందికిపైగా ప్రజలు గాయపడినట్లు అధికారులు వెల్లడించారు. ఇందులో చిన్న పిల్లలూ ఉన్నట్లు తెలుస్తోంది. ఘటనకు కారణమైన కారు డ్రైవర్​ను అరెస్టు చేసినట్లు తెలిపారు. ఎటువంటి ప్రాణనష్టం సంభవించలేదని స్పష్టం చేశారు.

క్షతగాత్రులకు అత్యవసర చికిత్స అందించటం కోసం వైద్య శిబిరాలను ఏర్పాటు చేసినట్లు అధికారులు పేర్కొన్నారు. ఘటనకు గల కారణాలపై దర్యాప్తు చేస్తున్నారు.

అయితే.. కారు ప్రమాదం అనంతరం కార్నివాల్​ యథావిధిగా కొనసాగినట్లు అధికారులు తెలిపారు. వేలాది మంది పరేడ్​లో పాల్గొన్నారు. రకరకాల బొమ్మలను ఊరేగించారు. రంగురంగుల దుస్తులతో డప్పులు వాయిస్తూ ప్రజలను రంజింపచేశారు కళాకారులు.

ఇదీ చూడండి:సీఏఏ హింసాత్మక నిరసనల్లో నాలుగుకు చేరిన మృతులు