ఇటలీకి చెందిన యువ టిక్టాక్ సంచలనం ఖాబీ లేమ్.. అరుదైన ఘనత సాధించాడు. టిక్టాక్లో 100 మిలియన్ల ఫాలోవర్లు సంపాదించిన రెండో వ్యక్తిగా రికార్డుకెక్కాడు.
ఇటలీలో నివాసముండే 21 ఏళ్ల ఖాబానీ లేమ్ అలియాస్ ఖాబీ లేమ్.. అతి తక్కువ సమయంలోనే టిక్టాక్లో విశేష ఆదరణ దక్కించుకున్నాడు. అత్యధిక ఫాలోవర్లు గల సెలబ్రిటీగా అవతరించి సంచలనం సృష్టించాడు. జూన్లో 65 మిలియన్ల ఫాలోవర్లు ఉన్న ఖాబీకి ఇప్పుడు 105 మిలియన్లకుపైగా అభిమానులున్నారు. త్వరలోనే తను 122 మిలియన్ల మంది ఫాలోవర్లు ఉన్న చార్లీ డి అమెలియోను అధిగమించి నంబర్-1 స్టార్గా అవతరిస్తాడని అభిమానులు నమ్మకంగా ఉన్నారు.
ఎందుకింత ఆదరణ..
ఆఫ్రికా దేశం సెనెగలీస్కు చెందిన ఖాబీ ప్రస్తుతం ఇటలీలో ఉంటున్నాడు. వీడియోలలో మాట్లాడకున్నా.. తన ప్రత్యేక హావభావాలు, చేష్టలతో టిక్టాక్లో విపరీతమైన క్రేజ్ సంపాదించాడు. ఖాబీ చేసే చిన్న చిన్న స్కిట్లు, కొన్ని క్లిష్టమైన వీడియోలపై ఆయన వ్యంగ్యంగా స్పందించే విధానం అభిమానులను విపరీతంగా ఆకట్టుకున్నాయి. ఆయన కామెడీ చూసినవారంతా పొట్టచెక్కలయ్యేలా నవ్వుతారు. దీంతో కొద్ది నెలల్లోనే ఆయనను అనసరించే వారి సంఖ్య కోట్లలో పెరిగింది.
ఖాబీ కొద్ది నెలల క్రితం ఓ ఫ్యాక్టరీలో పని చేసేవాడు. కరోనా లాక్డౌన్ కారణంగా ఆయన ఉద్యోగం పోయింది. దీంతో టిక్టాక్ వీడియోలపైనే ఎక్కువ దృష్టి సారించి.. మిలియన్ల మంది అభిమానులను సంపాదించుకున్నాడు.
ఇదీ చదవండి:భారత్లో టిక్టాక్ రీఎంట్రీ.. చిన్న మార్పుతో!
