ప్రపంచంలోనే అతి చిన్న బంగారు నాణెం ఇదే...

ప్రపంచంలోనే అతిచిన్న బంగారు నాణేన్ని తయారు చేసింది స్విట్జర్​లాండ్. నిశితంగా పరిశీలించి చూస్తే ప్రఖ్యాత శాస్త్రవేత్త అల్బర్ట్ ఐన్​స్టీన్​ కనిపించేలా ఈ నాణేన్ని రూపొందించారు.

ప్రపంచంలోనే అత్యంత చిన్న పరిమాణంలో బంగారు నాణేన్ని రూపొందించింది స్విట్జర్​లాండ్​. 2.96మిల్లీమీటర్​ నాణెంపై అల్బర్ట్ ఐన్​స్టీన్​ నాలుక తెరచుకుని ఉన్న​ చిత్రాన్ని ముద్రించింది.

0.063 గ్రాములు(ఔన్సులో 500వ వంతు) ఉన్న ఈ పసిడి నాణెం విలువ 0.26డాలర్లు. స్విస్​మింట్​ దీనిని తయారు చేసింది. ఇలాంటివే మరో 999 నాణేలను వేలంపాట కోసం సిద్ధం చేసింది. ఒక్కో నాణేన్ని 205డాలర్లకు విక్రయించనున్నారు. నాణెంతో పాటు ప్రత్యేక భూతద్దాన్ని ఇస్తారు. దీని సాయంతో ఐన్​స్టీన్ చిత్రాన్ని చూడవచ్చు.