రష్యా అభివృద్ధి చేసిన 'స్పుత్నిక్-వి' టీకాను భారత్లో అత్యవసర వినియోగానికి అనుమతించాలన్న విషయంపై నిపుణుల కమిటీ నేడు భేటీ కానుంది. దేశంలో టీకాల కొరత, త్వరలోనే మరిన్ని టీకాలు అందుబాటులోకి వస్తాయని కేంద్రం పలు సందర్భాల్లో వెల్లడించిన నేపథ్యంలో.. ఈ సమావేశానికి ప్రాధాన్యం సంతరించుకుంది.
దేశంలో ప్రస్తుతం సీరం ఇనిస్టిట్యూట్‌ తయారు చేస్తున్న కొవిషీల్డ్, భారత్ బయోటెక్‌ అభివృద్ధి చేసిన కొవాగ్జిన్ టీకాలను వినియోగిస్తున్నారు. అయితే చాలా రాష్ట్రాల్లో ఆయా టీకాల కొరత ఏర్పడింది. తమకు అత్యవసరంగా టీకాలను పంపాలని వివిధ రాష్ట్రాలు కేంద్రానికి ఇప్పటికే విజ్ఞప్తి చేశాయి.