రంగురంగుల గుర్రాలతో రయ్రయ్ మంటూ..!
స్పెయిన్లో నిర్వహించే అత్యంత ముఖ్యమైన ఉత్సవాల్లో ఒకటైన 'రన్నింగ్ ఆఫ్ ద వైన్'గురువారం ఘనంగా జరిగింది. మెడియవాల్ గ్రామంలో నిర్వహించిన గుర్రపు పందెం చూసేందుకు వేల మంది ప్రజలు హాజరయ్యారు. రంగురంగుల దుస్తులతో గుర్రాలను అందంగా అలంకరించారు. పోటీల్లో గెలుపొందిన వారికి బహుమతులు అందజేశారు.
నియమాలు...
ఒక్కో గుర్రంతో నలుగురు వ్యక్తులు ఇరువైపులా ఉండి.. దానితో పాటు పరుగెత్తాలి. 80 మీటర్ల వరకు పరుగెత్తగలిగిన బృందం విజయం సాధిస్తుంది. ఈ పందెంలో గుర్రాలు అదుపుతప్పి ప్రేక్షకులపైకి వెళ్లటం వల్ల పలువురికి గాయాలయ్యాయి.