టర్కీలో భూకంపం- 5.0 తీవ్రత నమోదు

ఆగ్నేయ టర్కీలోని పలు ప్రాంతాల్లో భూకంపం సంభవించింది. ప్రమాదంలో ఎటువంటి ప్రాణ నష్టం జరగలేదని ఆ దేశ విపత్తు నిర్వహణ దళం వెల్లడించింది.

ఆగ్నేయ టర్కీలో భూకంపం సంభవించింది. రిక్టర్​ స్కేల్​పై 5.0 తీవ్రత నమోదైనట్లు ఆ దేశ విపత్తు నిర్వహణ దళం, అమెరికా జియోలాజికల్ సర్వే గురువారం వెల్లడించాయి.

ఈ ప్రమాదంలో ఎటువంటి ప్రాణ నష్టం, ఆస్తి నష్టం జరగలేదని అధికారులు వెల్లడించారు. ఉదయం 8.45 గంటల సమయంలో ఆగ్నేయంగా 20 కిలోమీటర్ల మేరకు ఈ భూకంపం కేంద్రీకృతమైనట్లు పేర్కొన్నారు.

ఈ ఏడాది టర్కీలో రెండు సార్లు భూకంపం సంభవించింది. ఫలితంగా.. ఇజ్​మిర్​ (వెస్టర్న్ పోర్ట్ సిటీ)లో 117 మంది మృతి చెందగా, ఇలాజిగ్ ప్రాంతంలో 41 మంది మరణించారు.

ఇదీ చదవండి:చంద్రుడి నమూనాలతో 'చాంగే-5' తిరుగు ప్రయాణం!