Ukraine girl dead: తమ దేశంలో ఏం జరుగుతుందో ఆ చిన్నారికి తెలియదు. వేల మంది సాయుధులు తమ భూభాగంలోకి వచ్చి ఎందుకు దాడి చేస్తున్నారో.. తెలియదు. కానీ ఎప్పటిలాగే తన ఇంట్లో ఆడుకుంటున్న ఆ చిన్నారి రష్య బలగాల దాడిలో తీవ్రంగా గాయపడి మరణించింది. తమ గారాలపట్టి తీవ్ర గాయాలతో అచేతనస్థితిలో పడిఉండడం చూసి ఆ తల్లి... భోరున ఏడ్చేసింది. తమ చిన్నారిని కాపాడాలంటూ వేడుకుంది.
Girl dead in russia war
ఉక్రెయిన్‌లోని ఓడ రేవు నగరమైన మారియుపోల్‌లో రష్యన్ బలగాల దాడిలో 6 ఏళ్ల బాలిక, ఆమె తండ్రి తీవ్రంగా గాయపడ్డారు. వారిని హుటాహుటిన ఆస్పత్రికి తీసుకొచ్చారు. చిన్నారిని రక్షించేందుకు వైద్య సిబ్బంది తీవ్రంగా శ్రమించారు. వైద్యులు, నర్సులు చిన్నారి చుట్టూ చేరి చికిత్స చేస్తున్నారు. కానీ వైద్యుల ప్రయత్నాలు ఫలించ లేదు. ఆ చిన్నారి కన్నుమూసింది. ఈ విషాదంతో అక్కడే ఉన్న వైద్య సిబ్బంది కూడా కన్నీరు పెట్టుకున్నారు. ముద్దులొలికే చిన్నారి విగతజీవిగా పడి ఉండడం చూసి చలించి పోయారు. ఆ కోపంతో అక్కడే ఉన్న ఓ వైద్యుడు.. ఈ చిన్నారి మృతదేహాన్ని పుతిన్‌కు చూపించు అని వాపోయాడు. దాడిలో గాయపడ్డ ఆ చిన్నారి తండ్రి కూడా కొన ఊపిరితో కొట్టు మిట్టాడుతున్నాడు.
ఇదీ చదవండి:తగ్గేదేలే అంటున్న ఉక్రెయిన్.. పుతిన్‌ అంచనాలు తప్పాయా?
