అధ్యక్ష ఎన్నికలపై దేశవ్యాప్త నిరసనలు

బెలారస్​లో నిరసన జ్వాలలు చెలరేగాయి. అధ్యక్ష ఎన్నికలు ముగిసిన గంటల వ్యవధిలోనే ఆందోళనకారులు వీధుల్లోకి వచ్చి నిరసనలు చేపట్టారు. ప్రస్తుత అధ్యక్షుడు అలెగ్జాండర్‌ లుకాషింకో అధికార దుర్వినియోగానికి పాల్పడి మరోమారు ఎన్నికయ్యేందుకు యత్నిస్తున్నారని ఆరోపిస్తూ ఆందోళనకు దిగారు.

అధ్యక్ష ఎన్నికలు ముగిసిన గంటల వ్యవధిలోనే ఐరోపా దేశం బెలారస్‌లో హింస ప్రజ్వరిల్లింది. ప్రస్తుత అధ్యక్షుడు అలెగ్జాండర్‌ లుకాషింకో... అధికార దుర్వినియోగానికి పాల్పడి మరోమారు ఎన్నికయ్యేందుకు యత్నిస్తున్నారని ఆరోపిస్తూ నిరసనకారులు ఆందోళనకు దిగారు.

హింసాత్మకంగా మారిన నిరసనలు

రాజధాని మిన్‌స్క్ సహా బ్రెస్ట్ నగరంలో ఒక్కసారిగా ఆందోళనలు మిన్నంటాయి. ఆందోళనకారులు వీధుల్లోకి వచ్చి నిరసన ప్రదర్శనలు చేపట్టారు. పలు చోట్ల పోలీసులతో ‍ఘర్షణకు దిగారు. నిరసనకారులను అదుపు చేసేందుకు పోలీసులు వాటర్‌ కేనన్‌లు, బాష్ప వాయువును ప్రయోగించారు.

ఆందోళనకారులను చెదరగొడుతున్న పోలీసులు

బాష్ప వాయువును ప్రయోగించిన సిబ్బంది

ఇదీ చూడండి:పార్టీలో కాల్పులు- ఒకరు మృతి, 20 మందికి గాయాలు