తమ పెంపుడు శునకంతో ఇద్దరు మహిళలు వర్కౌట్ చేస్తున్న ఓ వీడియో వైరల్గా మారింది. అథ్లెటిక్ దుస్తులు ధరించిన ఆ ఇద్దరు భామలు.. అచ్చం తాము చేస్తున్నట్లే చేయమంటూ శునకాన్ని ఉత్సాహపరిచారు. తమను అనుకరించమని దాన్ని ప్రోత్సహిస్తున్న తీరు నెటిజన్లను తెగ ఆకట్టుకుంటోంది. 10 సెకన్లు మాత్రమే ఉన్న ఈ వీడియో చాలా లైక్‌లు, రీట్వీట్‌లు, కామెంట్లతో సంపాదించుకుంది. బ్యూటెంజిబిడెన్ అనే యూజర్ ట్విట్టర్లో పోస్ట్ చేసిన ఈ వీడియోకు 'వర్కౌట్ బడ్డీ.. వర్కౌట్..' అని క్యాప్షన్ పెట్టారు.
అదిరిపోయే కామెంట్లు..
ఇప్పటికే 70 వేల వీక్షణలతో దూసుకెళ్తోన్న ఈ వీడియోపై యూజర్లు ఫన్నీ కామెంట్లు చేస్తున్నారు.
- 'ఏంటీ శునకం గారూ.. స్లిమ్గా మారేందుకు వర్కౌట్లు మొదలుపెట్టారా?' అని ఒకరు చమత్కరించారు.
- 'ఎక్సర్సైజులు బాగానే చేస్తున్నావ్.. జాగ్రత్తలు తీసుకున్నావా? లేదా?' అని శునకాన్ని అడుగుతున్నట్లుగా ఒకరు కామెంట్ చేశారు.
- 'ఓ శునక మహారాజా ఆరోగ్యంపై నీకున్న శ్రద్ధ మాకు ఉంటే ఎంత బాగుండు'.. అని మరొకరు రాశారు.
- 'ఇట్స్ వెరీ గుడ్' అని ఓ యూజర్ కామెంట్ చేయగా.. అత్యంత అందమైన దృశ్యం అంటూ మరొకరు వ్యాఖ్యానించారు.
మహిళలతో ఏమాత్రం తగ్గకుండా వర్కౌట్లు
ఇవీ చదవండి:
