కరోనా వ్యాప్తిని అదుపు చేయడంలో అనేక దేశాల్లో విధించిన లాక్డౌన్, కర్ఫ్యూ మొదలైన కట్టుదిట్టమైన చర్యలు ముఖ్యపాత్ర పోషించాయని 'నేచర్ రీసెర్చ్' మెడికల్ అండ్ సైన్స్ జర్నల్ చేసిన పరిశోధనలో తేలింది.
" శీతాకాలంలో, ముఖ్యంగా పండుగ తర్వాత కొవిడ్ ఉద్ధృతిపై అప్రమత్తత అవసరం. మాస్క్లు ధరించడం, భౌతిక దూరం పాటించడం తప్పనిసరి చేయడమే కాకుండా 50 మందికి పైగా సమావేశమయ్యే అవకాశం లేకుండా ప్రభుత్వాలు తీసుకున్న నిర్ణయాలు ప్రపంచవ్యాప్తంగా మంచి ఫలితాన్ని ఇచ్చాయి".
-డాక్టర్ తమోరిష్ కోలె, ఏషియన్ సొసైటీ ఫర్ ఎమర్జెన్సీ మెడిసిన్ అధ్యక్షుడు.
మానసిక ఒత్తిడి మరింతగా..!
గతంలో కట్టుదిట్టమైన చర్యలు వైరస్ వ్యాప్తిని అదుపు చేయగలిగినా.. ఆ చర్యల వల్ల ప్రజల్లో మానసిక ఒత్తిడి, ఆర్థిక ఇబ్బందులు పెరిగినట్లు పరిశోధనలో వెల్లడైంది. ఒకవేళ మళ్లీ లాక్డౌన్ విధించినా ఈ సమస్యలు మరితంగా వచ్చే అవకాశముందని 'నేచర్ రీసెర్చ్' భావించింది.
79 దేశాల్లో పలు నిబంధనలతో విధించిన 6,068 కట్టుదిట్టమైన విధానాలను 'నేచర్ రీసెర్చ్' పరిశీలించింది. ఇందుకోసం కృత్రిమ మేథ వంటి టూల్స్ను ఉపయోగించింది. తమ పరిశోధన అనంతరం... 226 దేశాల్లో 42,151 కట్టుదిట్టమైన చర్యల విధానాలపై ఇతర సంస్థలు చేసిన పరిశోధన ఫలితాలను తమ సంస్థతో పోల్చుకుంది.
ఏది ఏమైనా వైరస్ వ్యాప్తిని అడ్డుకోవాలంటే.. డౌన్తో కూడిన కఠిన చర్యలు అత్యవసరమని 'నేచర్ రీసెర్చ్' సంస్థ స్పష్టం చేసింది.
ఇదీ చదవండి:మరో రెండు కేసుల్లో హఫీజ్ సయీద్కు పదేళ్లు జైలు
