రైతులకు మద్దతుగా బ్రిటన్​లో వెల్లువెత్తిన నిరసనలు

దేశంలో కొత్త వ్యవసాయ చట్టాలకు వ్యతిరేకంగా రైతన్నలు చేస్తున్న నిరసనకు మద్దతుగా బ్రిటన్​ ఎంపీలు ఆందోళన చేపట్టారు. ఈ సందర్భంగా అక్కడి భారతీయ రాయబార కార్యాలయం సమీపంలో భద్రతా చర్యలు మరింత పటిష్ఠం చేశారు లండన్​ పోలీసులు.

కేంద్రం తీసుకొచ్చిన వ్యవసాయ చట్టాలకు వ్యతిరేకంగా భారత్​లో రైతులు చేస్తున్న నిరసనలకు విదేశాల్లో భారీగా మద్దతు లభిస్తోంది. బ్రిటన్​ రాజధాని లండన్​లో కర్షకులకు మద్దతిస్తూ ఆందోళన చేపట్టారు అక్కడి ప్రజలు. ఈ నేపథ్యంలో అక్కడి భారత్​ హై కమిషన్​ ఎదుట భద్రతను కట్టుదిట్టం చేశారు లండన్​​ పోలీసులు. భారత రాయబార కార్యాలయం ఎదుట భారత వ్యతిరేక, రైతు అనుకూల నినాదాలు చేశారు. భారతీయ వ్యవసాయ చట్టాలను నిరసిస్తూ.. ఖలిస్థానీలు జెండాలు చేతబూని నిరసనల్లో పాల్గొన్నారు.

ఖలిస్థానీ జెండాతో..

వివిధ పార్టీలకు చెందిన 36మంది బ్రిటన్​ ఎంపీలు భారత రైతుల అంశమై అక్కడి.. విదేశాంగ కార్యదర్శి డొమినిక్​ రాబ్​కు ఇప్పటికే లేఖ రాశారు. లేబర్​ పార్టీకి చెందిన తన్మంజిత్​ సింగ్​ థేసీ నేతృత్వంలో కూటమిగా ఏర్పడ్డారు.

బ్రిటన్​లో వెల్లువెత్తిన నిరసనలు

ఇదీ చదవండి:వెనక్కితగ్గని అన్నదాత- పెరుగుతున్న మద్దతు