ఫ్లూ సీజన్ ప్రారంభానికి ముందే ఐరోపాలో కరోనా వైరస్ రెండో వేవ్ వ్యాప్తి జరుగుతోంది. కేసులు మళ్లీ పెరుగుతున్న నేపథ్యంలో ఇంటెన్సివ్ కేర్ వార్డులు నిండిపోతున్నాయి. ఐరోపా తిరిగి నెమ్మదిగా లాక్డౌన్ గుప్పిట్లోకి వెళుతోంది.
ఐరోపాలో కరోనా రెండో వేవ్తో ఆరోగ్య వ్యవస్థ కుదేలు!
ఐరోపాలో మళ్లీ కరోనా వైరస్ కేసులు విజృంభిస్తున్నాయి. చాలా దేశాల్లో రెండో వేవ్ ప్రారంభమైంది. తూర్పు ఐరోపా దేశాల్లో భారీగా కేసులు నమోదవుతున్నాయి. పశ్చిమ దేశాలు నెమ్మదిగా లాక్డౌన్ గుప్పిట్లోకి వెళుతున్నాయి. ఫ్లూ సీజన్కు ముందే మళ్లీ వైరస్ వ్యాప్తి చెందుతుండటం వల్ల ఆరోగ్య వ్యవస్థపై తీవ్ర ప్రభావం చూపే అవకాశం ఉంది.
కరోనా రెండో వేవ్
చాలా తూర్పు ఐరోపా దేశాల్లో రికార్డు స్థాయిలో కేసులు నమోదవుతున్నాయి. పశ్చిమ దేశాల్లోనూ వైరస్ విజృంభిస్తుండటం చూస్తే.. లాక్డౌన్లతో కరోనా కట్టడి ఆశించినంత జరగలేదని స్పష్టమవుతోంది. మరికొన్ని రోజుల్లో ఫ్లూ సీజన్ ప్రారంభం కానున్న నేపథ్యంలో ఆరోగ్య వ్యవస్థకు ఇబ్బందులు తప్పవని నిపుణులు హెచ్చరిస్తున్నారు.
- స్పెయిన్లో కేసులు పెరుగుతున్న కారణంగా అధికారులు తీసుకుంటున్న కఠిన చర్యలపై ప్రజలు ఆగ్రహం వ్యక్తం చేస్తున్నారు. మాడ్రిడ్లో ఉద్రిక్త పరిస్థితులు నెలకొన్నాయి. బార్లు మూసివేత
- జర్మనీలో కొత్తగా హాట్స్పాట్లు పెరిగిపోవటం వల్ల కాంటాక్ట్ ట్రేసింగ్ కోసం సైన్యాన్ని రంగంలోకి దింపేందుకు ప్రయత్నిస్తున్నారు. ఐరోపాలో రెండో వేవ్
- ఇటలీలో మళ్లీ మాస్కుల వినియోగాన్ని తప్పనిసరి చేశారు. ఆరోగ్య వ్యవస్థ తీవ్ర సంక్షోభంలో ఉందని తొలిసారిగా హెచ్చరించింది. ఇటలీలో మాస్కు తప్పనిసరి
- జూన్లో కరోనాకు ఫేర్వెల్ పార్టీ నిర్వహించిన చెక్ రిపబ్లిక్లో మళ్లీ వైరస్ విజృంభిస్తోంది. తలసరి రేటులో ముందు స్థానంలో ఉంది. లక్ష మందిలో 398 కేసులు నమోదయ్యాయి. కరోనా రోగికి చికిత్స
ఇదీ చూడండి:కొత్త ఆంక్షలతో బ్రిటన్లో మళ్లీ లాకడౌన్!