కొవిడ్ లక్షణాలు స్వల్పంగానే ఉన్నా, అస్సలు లేకపోయినా... బాధితుల్లో నాలుగు నెలల తర్వాత కూడా రోగనిరోధక శక్తి ఉంటోందని తాజా పరిశోధనలో తేలింది. క్వీని మోరీ యూనివర్సిటీ, ఇంపీరియల్ కాలేజ్, యూనివర్సిటీ కాలేజ్ ఆఫ్ లండన్ శాస్త్రవేత్తలు దీన్ని చేపట్టారు. గత మార్చిలో మహమ్మారికి గురైన 136 మంది ఆరోగ్య సిబ్బంది రోగ నిరోధక వ్యవస్థలో టి-కణాల స్పందనను వారు అధ్యయనం చేశారు.
లక్షణాలు లేకపోయినా బాధితులకు దీర్ఘకాల రక్షణ!
కొవిడ్ లక్షణాలు ఉన్నా, లేకపోయినా బాధితులకు దీర్ఘకాల రక్షణ ఉంటుందని క్వీని మోరీ యూనివర్సిటీ, ఇంపీరియల్ కాలేజ్ సంయుక్తంగా చేసిన పరిశోధనలో తేలింది. రోగ నిరోధక వ్యవస్థలో టి-కణాల స్పందనను అధ్యయనం చేసిన శాస్త్రవేత్తలు ఈ ఫలితాన్ని వెల్లడించారు.
లక్షణాలు లేకపోయినా... బాధితులకు దీర్ఘకాల రక్షణ!
"ఇన్ఫెక్షన్కు గురై, స్వల్ప లక్షణాలు తలెత్తిన 89 శాతం మంది ఆరోగ్య సిబ్బందిలో... 16-18 వారాల తర్వాత కూడా యాంటీబాడీలు ఉంటున్నాయి. 66 శాతం మందిలో ఇవి హెచ్చుస్థాయిలో, అత్యంత చైతన్యవంతంగా ఉండటం విశేషం. కొందరిలో యాంటీబాడీలు లేకపోయినా, టి-కణాలు మాత్రం వైరస్కు వ్యతిరేకంగా స్పందిస్తున్నాయి. ఇలాంటి వారు మళ్లీ వైరస్కు గురైనా... యాంటీ బాడీలు, టి-కణాలు ఉత్పత్తయి, ఇన్ఫెక్షన్ నుంచి రక్షణ కల్పిస్తాయి. కరోనాకు వ్యతిరేకంగా రోగనిరోధక స్పందన సమృద్ధిగా ఉంటున్నందున- వ్యాక్సిన్లు కూడా మహమ్మారి నుంచి దీర్ఘకాల రక్షణ కల్పించే అవకాశముంది" అని పరిశోధనలో పాలుపంచుకున్న జోసెఫ్ గిబన్స్ తెలిపారు.