హైస్పీడ్​ రైలులో కత్తితో దాడి

ఓ హైస్పీడ్​ రైలులో దుండగుడు నానా వీరంగం సృష్టించాడు. కత్తి తీసుకొని రైలులో ఉన్న వారిపై దాడికి దిగాడు. జర్మనీ​లో జరిగిన ఈ ఘటనలో ముగ్గురికి గాయాలయ్యాయి.

జర్మనీలోని హైస్పీడ్​ రైలులో ఓ దుండగుడు కత్తితో దాడికి పాల్పడడం వల్ల పలువురు తీవ్రంగా గాయపడ్డారు. శనివారం ఉదయం 9 గంటలకు (జర్మనీ కాలమానం ప్రకారం) ఘటనకు సంబంధించి తమకు తొలి ఫోన్​ వచ్చినట్లు పోలీసులు తెలిపారు. జర్మనీలోని హైస్పీడ్​ ఐసీఈ రైళ్లలో ఒకటైన ఈ రైలు రెగన్స్​బర్గ్​- న్యూరెంబర్గ్​ నగరాల మధ్య పరుగులు పెడుతుంది. ఈ ఘటన అనంతరం పోలీసులు స్కూబర్​ స్టార్ఫ్​​ స్టేషన్​ రైలును నిలిపివేశారు.

దాడికి సంబంధించి ఒకరిని అదుపులోకి తీసుకున్నారు పోలీసులు. ఈ ఘటన వెనక ఉద్దేశం ఏమిటనేది తెలియాల్సి ఉందని జర్మనీ అంతర్గత వ్యవహారాల శాఖ మంత్రి సీహోఫెర్​ తెలిపారు. ఉదయం తొమ్మిది గంటల నుంచి స్కూబర్​స్టార్ఫ్​ స్టేషన్​ను మూసివేశామని, రెగన్స్​బర్గ్​- న్యూరెంబర్గ్​ నగరాల మధ్య సేవలను నిలిపివేసినట్లు జర్మన్​ రైల్వేశాఖ ప్రతినిధి ఒకరు తెలిపారు.

ఇదీ చూడండి:కుప్పకూలిన విమానం.. 'పాప్​స్టార్'​ దుర్మరణం