ఇటలీలో ఆగని కరోనా మరణాలు- ఒక్కరోజులో 793 మంది

23:36 March 21

ఇటలీలో 4,825కు చేరిన మృతులు

ఇటలీలో కరోనా వైరస్​ స్వైర విహారం చేస్తూనే ఉంది. రోజుకు వందల సంఖ్యలో మరణాలు నమోదవడం.. ఆ దేశాన్ని తీవ్ర భయాందోళలకు గురిచేస్తోంది. ఆ దేశంలో శనివారం 793 మంది కరోనాకు బలవ్వగా.. మరో 6,557 మంది ఈ మహమ్మారి బారినపడ్డారు.

రోజురోజుకు అమాంతం పెరిగిపోతున్న కొవిడ్​-19 మరణాల సంఖ్య.. ఇటలీలో ఇప్పటివరకు 4,825కు చేరింది. ఈ సంఖ్య ప్రపంచస్థాయి మృతులలో 38.5 శాతం కావడం గమనార్హం. వేగంగా విస్తరిస్తున్న వైరస్​ కారణంగా.. ఇప్పటివరకు ఆ దేశంలో బాధితుల సంఖ్య 53,578కు చేరింది. 

ప్రపంచవ్యాప్తంగా మృతి చెందిన వారి సంఖ్య 12 వేలు దాటింది. 

ఇదీ చదవండి:నగరానికి తాళం వేసి కరోనాపై కసితీరా గెలిచి