Indian Students in Ukraine: 'ప్రాణాలపై ఆశలు వదులుకున్నా. బతుకుతానని ఊహించలేదు. అదే చివరి రోజు అనిపించింది. అదృష్టవశాత్తు మృత్యువు కోరల నుంచి బయటపడ్డాను'.. 31 ఏళ్ల దిల్లీ యువకుడు హర్జోత్ సింగ్ అన్న మాటలివి. ఫిబ్రవరి 27న ఉక్రెయిన్ రాజధాని కీవ్‌ నుంచి వెళ్తున్న సమయంలో జరిగిన కాల్పులో ఆ విద్యార్థి గాయపడ్డాడు.
ఉక్రెయిన్లో గాయపడ్డ హర్జోత్ సింగ్
'ఆ రోజు మరో ఇద్దరు స్నేహితులతో కలిసి క్యాబ్‌లో ఎల్వివ్‌కు బయలుదేరాం. ఇంతలో భీకరంగా కాల్పులు. తూటా ఒకటి నన్ను తాకింది. ఆ తర్వాత ఏమి జరిగిందో తెలియదు. స్పృహ వచ్చే సరికి ఆసుపత్రిలో ఉన్నా. అప్పటికి మూడు రోజులు గడచిపోయాయి. నాలుగు తూటాలు నా శరీరంలోకి వెళ్లాయి. వాటిలో ఒకటి ఛాతీలో దిగింది. కాలు విరిగి ఉంది. నా వెంట ఉన్న మిత్రులకు ఏమయ్యిందో తెలియలేదు. దేవుడి దయ వల్ల బతికాను’ అని శుక్రవారం ఫోన్‌లో వివరించారు.