కరోనా వైరస్ను కట్టడి చేసే యాంటీబాడీలను చాలా అధికస్థాయిలో కలిగి ఉన్నప్పటికీ.. కొవిడ్-19 బాధితుల్లో కొందరు తీవ్ర అనారోగ్యం బారినపడుతుంటారు. దీనికి కారణాలను శాస్త్రవేత్తలు తాజాగా గుర్తించారు. ఈ యాంటీబాడీలు కరోనా వైరస్కు అతుక్కోకుండా సహజసిద్ధ పదార్థాలు నిలువరిస్తున్నట్లు తేల్చారు. బ్రిటన్లోని ఫ్రాన్సిస్ క్రిక్ ఇనిస్టిట్యూట్, ఇంపీరియల్ కాలేజీ లండన్, కింగ్స్ కాలేజీ లండన్, యూనివర్సిటీ కాలేజీ లండన్ శాస్త్రవేత్తలు ఈ పరిశోధన చేశారు.
యాంటీబాడీలకు టోపీ పెడుతున్న వైరస్!
యాంటీబాడీలు కలిగి ఉన్నప్పటికీ కొందరు కొవిడ్-19 రోగులు తీవ్ర అనారోగ్యం బారినపడున్నారు. దీనికి కారణాలు గుర్తించారు బ్రిటన్ శాస్త్రవేత్తలు. యాంటీబాడీలు కరోనా వైరస్కు అతుక్కోకుండా సహజసిద్ధ పదార్థాలు నిలువరిస్తున్నట్లు తెలిపారు.
యాంటీబాడీలు, కొవిడ్ వైరస్
ప్రపంచవ్యాప్తంగా టీకా కార్యక్రమాన్ని ముమ్మరం చేసిన నేపథ్యంలో.. యాంటీబాడీలను వైరస్ ఎలా ఏమారుస్తోందని తెలుసుకోవడం చాలా కీలకం. ఈ అంశంలో శాస్త్రవేత్తలకు అంతుబట్టని అంశాలు ఇంకా అనేకం ఉన్నాయి. ఇన్ఫెక్షన్ను నియంత్రించడంలో రోగ నిరోధక వ్యవస్థ ప్రదర్శించే సామర్థ్యం, యాంటీబాడీల స్పందన వంటి అంశాల్లో అనేక వైరుద్ధ్యాలు ఉంటున్నాయని శాస్త్రవేత్తలు తెలిపారు. వీటిని నిగ్గు తేల్చేందుకు వారు క్రయో-ఎలక్ట్రాన్ మైక్రోస్కోపీ, ఎక్స్రే క్రిస్టలోగ్రఫీ సాయంతో పరిశీలనలు సాగించారు.
కరోనా వైరస్లోని కొమ్ములాంటి స్పైక్ ప్రోటీన్.. బిలువర్డిన్, బిలురుబిన్ అనే పదార్థాలకు బలంగా అంటుకుంటున్నట్లు గుర్తించారు. ఫలితంగా స్పైక్ ప్రోటీన్లు అసాధారణ స్థాయిలో పచ్చరంగులోకి మారిపోతున్నాయని తేల్చారు. దీనివల్ల ఈ కొమ్ము ఆకృతులను యాంటీబాడీలు అతుక్కోలేకపోతున్నాయని పేర్కొన్నారు. అవి అతుక్కుంటేనే వైరస్ నిర్వీర్యమవుతుంది. ఇలా.. అంటుకోలేకపోతున్న యాంటీబాడీలు 30-50 శాతం మేర ఉంటున్నట్లు శాస్త్రవేత్తలు పేర్కొన్నారు.
ఇదీ చదవండి:కరోనా కట్టడిలో స్వీయనియంత్రణే కీలకం