పోలీసుల నుంచి తప్పించుకోబోయి వ్యాన్ బోల్తా- ఏడుగురు మృతి

Hungary Accident Today: వలసదారులతో వెళ్తున్న వాహనం ఘోర ప్రమాదానికి గురైంది. ఈ ఘటనలో ఏడుగురు మృతి చెందారు. మరో నలుగురు తీవ్రంగా గాయపడ్డారు. చెక్​పోస్ట్ తనిఖీల నుంచి తప్పించుకునేందుకు చేసిన ప్రయత్నమే ఈ ప్రమాదానికి కారణమని పోలీసులు తెలిపారు.

Hungary accident today: హంగేరీలో జరిగిన ఓ ప్రమాదంలో ఏడుగురు వలసదారులు మృతిచెందారు. మరో నలుగురు గాయపడ్డారు. సెర్బియా-హంగేరి సరిహద్దుల్లో ఉన్న మొరహలోమ్ అనే గ్రామంలో సోమవారం అర్ధరాత్రి ఈ ప్రమాదం జరిగింది.

ఇంటిపైకి దూసుకెళ్లి..

Migrants Killed in Hungary: సెర్బియా-హంగేరీ సరిహద్దుల్లో పోలీసులు తనిఖీలు నిర్వహిస్తున్నారు. ఈ క్రమంలో సెర్బియాకు చెందిన ఓ మినీ వ్యాన్‌ను ఆపేందుకు ప్రయత్నించగా.. మితిమీరిన వేగంతో దూసుకెళ్లింది.

పారిపోయే ప్రయత్నంలో భాగంగా.. ఓ ఇంటిపైకి దూసుకెళ్లి బోల్తా పడింది. వాహనంలో ప్రయాణిస్తున్న ఏడుగురు అక్కడికక్కడే మృతి చెందగా.. డ్రైవర్‌ సహా మరో నలుగురు గాయపడ్డారు.

ఈ ఘటనలో డ్రైవర్​ను అరెస్ట్ చేశారు పోలీసులు. మానవ అక్రమ రవాణాతో పాటు.. ఘోర ప్రమాదానికి కారణమైన అతనిపై చర్యలు తీసుకోనున్నట్లు తెలిపారు.

ఇవీ చదవండి: