నోబెల్​ శాంతి పురస్కారానికి 'గ్రెటా థన్​బర్గ్​' పేరు

పర్యావరణ పరిరక్షణకై అవిశ్రాంత పోరాటం చేస్తున్న స్వీడన్​ దేశస్థురాలు గ్రెటా థన్​బర్గ్​ను '2020 నోబెల్ శాంతి​' పురస్కారానికి నామినేట్​ చేశారు ఇద్దరు స్వీడన్​ ఎంపీలు. ఈ మేరకు నార్వే నోబెల్​ కమిటీకి లేఖ రాశారు.

యువ పర్యావరణవేత్త గ్రెటా థన్‌బర్గ్‌కు '2020 నోబెల్​ శాంతి పురస్కారం' అందించాలని స్వీడన్ చట్టసభ సభ్యులు కోరారు. ఈ మేరకు ఆమె పేరును ప్రతిపాదిస్తూ.. నార్వే నోబెల్​ కమిటీకి ఇద్దరు స్వీడన్ ఎంపీలు లేఖ రాశారు. పర్యావరణంపై ప్రపంచ నేతల కళ్లు తెరిపించేందుకు థన్​బర్గ్ వయసుకు మించి విశేషకృషి చేసిందని లేఖలో పేర్కొన్నారు. అందుకే నోబెల్​ శాంతి పురస్కారానికి ఆమె అన్నివిధాల అర్హురాలని తెలిపారు.

పర్యావరణ పరిరక్షణకై థన్​బర్గ్ చేసిన కృషికి 2019లోనే ఈమెకు నోబెల్ శాంతి బహుమతి వస్తుందని భావించారు. కానీ, సరిహద్దు దేశం ఎరిట్రియాతో దశాబ్దాలుగా ఉన్న వివాదాలను శాంతియుతంగా పరిష్కారం చూపినుందుకు ఇథియోపియా ప్రధాని అబీ అహ్మద్​ను వరించింది.

ఇదీ చూడండి:30వేల మంది అమ్మాయిలను మోసగించిన జపాన్ కుబేరుడు!