కరోనా వైరస్ ధాటికి ప్రపంచం గడగడలాడుతోంది. మృతుల సంఖ్య కూడా భారీ స్థాయిలో పెరుగుతోంది. ప్రపంచవ్యాప్తంగా మరణాల సంఖ్య 35వేలు దాటింది. ప్రస్తుతం 35వేల 004మంది వైరస్తో ప్రాణాలు కోల్పోయారు. మొత్తం కేసుల సంఖ్య 7,38,233కు చేరింది.
స్పెయిన్ గజగజ...
కరోనా వైరస్ స్పెయిన్పై పంజా విసురుతోంది. 24 గంటల వ్యవధిలోనే 812మంది వైరస్తో మరణించినట్టు ఆ దేశ ఆరోగ్యశాఖ వెల్లడించింది. ఫలితంగా స్పెయిన్లో మృతుల సంఖ్య 7వేల 340కు చేరింది. మొత్తం 85వేల 195మందికి వైరస్ సోకింది. అయితే మృతులు, కేసుల రేట్లు తగ్గుతున్నాయని ఆధికారులు వెల్లడించారు.
ఇరాన్ పరిస్థితి...
ఇరాన్లో తాజాగా 117మంది మరణించారు. దీనితో ఆ దేశంలో మృతుల సంఖ్య 2వేల 757కు చేరింది. మొత్తం పాజిటివ్ కేసుల సంఖ్య 40వేలు దాటింది. ప్రస్తుతం దేశం లాక్డౌన్లో ఉంది. అంతరాష్ట్ర ప్రయాణాలను కూడా నిషేధించింది ప్రభుత్వం.
పాక్లో...
పాకిస్థాన్లో కరోనా కేసుల సంఖ్య 1,625కు చేరింది. మొత్తం 18మంది ప్రాణాలు కోల్పోయారు. స్థానికంగా వైరస్ విజృంభిస్తోందని అక్కడి ఆరోగ్యశాఖ వెల్లడించింది.
ఆస్ట్రేలియా ఆర్థిక ప్యాకేజీ...
వైరస్పై పోరుకు ప్రపంచ దేశాలు ఆర్థిక ప్యాకేజీలను అస్త్రంగా మలచుకుంటున్నాయి. తాజాగా ఆస్ట్రేలియా ప్రధాని.. 130 బిలియన్ డాలర్ల ఆర్థిక ప్యాకేజీని ప్రకటించారు. ఒక్కో ఉద్యోగికి ప్రతి రెండు వారాలకు 1,500 అస్ట్రేలియన్ డాలర్లను జీతంగా అందిస్తామన్నారు.
